S.Pen: Dıplomdy kimge beremiz degen máselede óz qaǵıdamyzdy ustanamyz

1823
Adyrna.kz Telegram

«Bos oryndar men jańa mamandarǵa degen qajettilik jaǵdaıy kóńil qýantarlyqtaı emes. Ashyq aqparat kózderine súıensek, 2022 jyldyń birinshi qańtaryna sot mamandaryndaǵy orynnyń 11% bos tur ... onyń tórtten bir bóligi aýdandyq sot tóraǵasynyń laýazymy», - dep QR Joǵarǵy Sotynyń ákimshilik ister jónindegi sot alqasynyń tóraǵasy Aslan Túkıev – KAZGUU Law School Business Council jumys berýshileriniń jyl saıynǵy jınalysynda atap ótti.

«Biz bárimiz sot tóraǵasynyń laýazymy suranysqa ıe degen stereotıppen oılaýǵa úırenip qaldyq. Biraq búginde 300-ge jýyq aýdandyq sottyń 25% orny bos tur... oǵan qosa, aýdandyq sot tóraǵasy sot júktemesiniń jumystaryn oryndaıdy. Sonymen qatar Eýropada sot aıyna 2 isti qarasa, bizde aıyna 50-ge jýyq isti ujymdyq emes jeke qaraıdy. Sol sebepten biz jas mamandarǵa qujat tapsyryp, bos oryndarǵa ornalasýǵa shaqyramyz», – dedi Aslan Túkıev.

«Astana» halyqaralyq qarjy ortalyǵy AQ tóraǵasynyń orynbasary Nurjan Qosbaevtyń aıtýynsha, zańgerler úshin negizgi qajetti quzyretter AHQO zańdary, Anglııa men Ýels tájirıbesi, qazaqstandyq jáne aǵylshyn quqyǵy aktileri bolýy tıis. Búginde AHQO-da tirkelgen 1341 kompanııa bar, - dep atap ótti.

Óz kezeginde M.Nárikbaev atyndaǵy KAZGIýÝ ýnıversıteti jyl saıyn jumys berýshilerdiń ókilderimen kezdesýdi uıymdastyra otyryp, joǵary bilikti mamandardy daıarlaý jónindegi tilekter men talaptardy nazarǵa alady.

«Biz bilikti zańgerlerdi daıyndaımyz, birinshiden, stýdentterdiń tek 48%-y ǵana dıplom men memlekettik dıplom satysyna jetip jatady. Bul oqý jylynyń basynan qatań irikteý krıterıılerin engizbeýimizdiń, joǵary bilimge qol jetkizýegi oryndy shektemeýimizdiń nátıjesi. Mektepter men orta bilim bizge irikteýge qatań qaraýǵa múmkindik bermeıdi, al biz dıplomdy kimge beremiz degen máselede óz qaǵıdamyzdy ustanamyz», – dep atap ótti ýnıversıtettiń provosty Sergeı Pen.

Sondaı-aq, kezdesýge QR Básekelestikti qorǵaý jáne damytý agenttiginiń, QR Ádilet mınıstrliginiń, «Kazakhstan Bar Association» KazBar zań konsýltanttary palatasy, IP Choice, SIGNUM Law Firm jáne basqa uıymdardyń ókilderi qatysty.

KLS Business Council - zań salasyndaǵy negizgi jumys berýshilerdiń ókilderimen ashyq dıalogtyq alań, onyń sheńberinde biz elimiz úshin eń kúrdeli praktıkalyq mindetterdi sheshýge qabiletti mamandardy daıarlaýǵa baǵyttalǵan bilim berý baǵdarlamalarymyzdy odan ári jetildirý boıynsha jumys isteımiz, sondaı-aq talqylaý sheńberinde jumysqa ornalastyrýdyń jáne jańa turpatty joǵary synypty jas zańgerlerdiń qajettiligin qamtamasyz etýdiń tıimdi tetikterin ázirleımiz, jańa formattaǵy jumysty birlesken áleýmettik jáne ǵylymı jobalardy iske asyramyz.

Pikirler
Redakııa tańdaýy