NIS-te halyqaralyq «Caspian Startup-2022» baıqaýynyń qorytyndysy shyǵaryldy

4373
Adyrna.kz Telegram

Aqtaý qalasyndaǵy Zııatkerlik mektepte «Caspian Startup-2022» halyqaralyq startaptar baıqaýynyń qorytyndysy shyǵaryldy.

2022 jyly dástúrli baıqaýǵa Qazaqstan, Ázirbaıjan, Ózbekstan, Túrkmenstannan 120-dan astam joba kelip tústi. Olardyń barlyǵy tabysty startaptardy qurý jáne ilgeriletýge, sondaı-aq startap mádenıetin qalyptastyrýǵa, ınvestorlar tartýǵa, zııatkerlik menshikti qorǵaýǵa baǵyttalǵan.

Fınaldyq týrǵa qatysýshylar «Bolashaqtyń mektebi», «Áleýmettik máselelerdi sheshý», «Týrızm» nomınaııalary boıynsha tabysty ómir súrýdi qamtamasyz etetin IT-startaptardy usyndy.

–  Jyl saıyn jobalardyń sany artyp keledi, olardyń ataýlary avtorlardyń azamattyq ustanymy men jahandyq jaýapkershiligin rastaıdy, sondyqtan biz «Caspian Startup-2022» baıqaýyn áleýmettik taqyrypqa arnadyq, –  dep atap ótti Aqtaýdaǵy Zııatkerlik mektep dırektory Ásel Beısembınova.

Eń myqty avtorlar bıznes, bilim berý, medıına, IT jáne basqa da sala kásipqoılarynan iriktelgen bedeldi qazylar alqasynyń aldynda óz jobalaryn qorǵady.

Alǵash ret «Caspian Startup-2022» baıqaýymen qatar Zııatkerlik mektepter men Halyqaralyq IT-startaptar tehnoparki uıymdastyrǵan jańa jobasynyń qatysýshylaryn biriktiretin Demo Day sharasy ótti. Úsh aı boıy NIS oqýshylary Astana HUB-ta onlaın oqýdan ótip, tálimgerlermen birlesip óz jobalaryn ázirledi, keleshegi zor jobalardyń avtorlary óz jetistikterin kórsetip, qorǵaý úshin Aqtaýǵa keldi. Demo Day alańynda Astana HUB ótkizgen sheberlik saǵattar toptamasy da suranysqa ıe boldy. Oqýshylar birinshi sheberlik saǵatta «Startap jáne tehnologııalyq kásipkerlik degenimiz ne?» saýaly tóńireginde bilim berý baǵdarlamalary keńsesiniń aǵa menedjeri Nazıra Izbasarmen birge oı bólisti.

– Men óz ortama, otbasyma oralǵandaı boldym, – dep moıyndady 2015 jyly elordadaǵy fızıka-matematıka baǵytyndaǵy Zııatkerlik mektepti bitirgen Nazıra.

Astana HUB jáne Ulttyq zııatkerlik menshik ınstıtýtynyń qoldaýymen Aqtaýda ótken Caspian Startup baıqaýynyń fınaldyq týry qatysýshylary úshin aýqymdy oqytý uıymdastyryldy, ınteraktıvti sessııalar men master-klasstar bıznes-kommýnıkaııalar, STEM-bilim, baǵdarlamalaý, avtorlyq quqyq, bıotehnologııa, farmakologııa, balamaly energııa kózderi, sondaı-aq búgingi zamannyń basty basymdyqtaryna arnaldy. Krımınalıstıkadaǵy zamanaýı hımııalyq taldaý ádisterine arnalǵan «Sherlok Holmstyń urpaqtary» atty josparly sheberlik saǵaty úlken qyzyǵýshylyq týdyrdy.

Zııatkerlik mektepterdi damytý departamentiniń dırektory Rýstam Abılov pen Astana HUB-tyń basqarýshy dırektory Jambyl Mahmetov qol qoıǵan memorandým NIS pen IT-startaptardyń halyqaralyq tehnoparki arasyndaǵy tabysty yntymaqtastyqtyń qısyndy jalǵasy boldy.

«Dioth.tech» jobasyn qorǵaǵan Aqtóbedegi Zııatkerlik mektep oqýshysy Arman Jalǵasbaev «Caspian Startup-2022» halyqaralyq baıqaýynda jeńiske jetti. Mektep qabyrǵasynda respýblıkalyq ǵylymı jobalar baıqaýy men fızıka páni boıynsha jelilik olımpıadalardyń birneshe dúrkin jeńimpazy bolǵan Arman bıyl Aqtóbedegi NIS-tiń úzdik oqýshysy atandy.

Asanáli men Dıasáli Kárim, Jarasar Dáýlet pen Dılnaz Taspýlaeva qurǵan Kókshetaý qalasynyń juldyzdy komandasy «Komek App» jobasyn ázirlep, ekinshi oryndy ıelendi.

Qola júlde aqtaýlyqtardyń enshisinde qaldy – Rahat Abatov pen Myrzaáli Asanov «Blind-Klavish» jobasyn múmkindigi shekteýli jandardyń áleýmettik beıimdelýine arnady.

Demo Day alańynda usynylǵan jobalardyń ishinde Oraldaǵy NIS («WEST» komandasy: Adelıa Shaýkeneva, Ernur Nasıkalı, Abylaı Mametan, Almas Saparov, Azamat Orazǵalı) pen Shymkenttegi eki Zııatkerlik mektep quramasynyń («Colight» komandasy: Zınaenýr Islam, Qadirjan Lýtfýllaev, Narıman Isaev, Aqbota Sársembekova) startaptary úzdik dep tanyldy. Astana HUB Demo Day jeńimpazdaryna jobalaryn júzege asyrýda qarjylyq qoldaý kórsetedi.

Arman Jalǵasbaev, kóksheýtaýlyq komanda jáne Aqtaýdaǵy NIS ókilderi Dıana Kývanbaı men Danıl Mýhalev («Robot-terapevt SenimPlus» jobasy) Qazaqstan-Brıtan tehnıkalyq ýnıversıtetiniń granttaryn ıelendi. Sondaı-aq úzdik joba avtorlaryna Safı Ótebaev atyndaǵy Atyraý munaı jáne gaz ýnıversıteti men Shahmardan Esenov atyndaǵy Kaspıı memlekettik tehnologııalar jáne ınjınırıng ýnıversıtetiniń granttary tabys etildi.

NIS jáne Astana HUB-tyń jazǵy mektebine Mańǵystaý oblysynyń 150-den astam oqýshysy men muǵalimi qatysty, olar úshin startap mádenıet jáne ıfrlyq saýattylyqty qalyptastyrý boıynsha trenıngter men sheberlik saǵattar daıyndaldy.

«Caspian Startup-2022» baıqaýynyń qatysýshylary úshin Mańǵystaý óńiriniń kıeli jerlerine ekskýrsııalar, psıhologııalyq trenıngter, shyǵarmashylyq sheberlik saǵattary men sporttyq oıyndar uıymdastyryldy. Dastarhannyń basty asy ázirlengen baýyrsaq-patı bıznes pen IT-salasynyń bolashaq juldyzdaryna jańa serpilis pen qýanysh syılady.

 

 

Pikirler