«Aıman-Sholpan» lıro-epostyq jyryn alǵash qaǵaz betine túsirip, 1896 jyly baspaǵa usynǵan – Júsipbek Shaıhyslamuly. Jyrdyń jaryq kórgenine bıyl 126 jyl tolyp otyr. Sonymen qatar Muhtar Áýezovtiń týǵanyna – 125 jyl. Muhtar Áýezovtiń «Aıman-Sholpan» jyry negizindegi mýzykalyq dramasy 1934 jyly jazyldy. 1956 jyly avtor ekinshi redakııasyn jasady.
Rınat Rıfhatuly Zaıtovtyń basshylyǵyndaǵy «Alataý» dástúrli óner teatrynda 8 maýsym kúni atalmysh týyndynyń ekinshi nusqasy boıynsha «Aıman-Sholpan» mýzykalyq komedııasynyń premerasy ótti. Tarıhı jáne kórkemdik shyndyqty qamtyǵan mýzykalyq komedııa qazaqtyń ulttyq bolmysyn keńinen tanytý, jeke bas bostandyq máselesin kóterý, Maman men Kótibar batyr arasyndaǵy ózara kúres, beıbitshilik jáne t.b. baǵyttalady. Qoıylymnyń joǵarǵy mindeti beıbitshilik ekenin ańǵarýǵa bolady. Óıtkeni Aıman men Sholpan ádettegideı aldyńǵy planda emes. Belgili bir balans saqtalǵan. Bul da bir rejısserlik sheshim. Tutastaı alǵanda ózekti áreket te kórindi. Bı qozǵalystary arqyly negizgi emoııalar ashyla tússe, ansambl qoıylymnyń boıyna qan júgirtken. Dekoraııa, jaryq, dybys jáne t.b. úılesim tapqan. Teatrdyń baǵytyna sáıkes, sondaı-aq mýzykalyq komedııa bolǵan soń, arısterdiń akterlik qabiletterinen bólek án aıtý ónerleri de asa mańyzdy. Bul jaǵy da kóńil qýantarlyqtaı.
Premera kórermenderdiń uzaq qoshemetterimen aıaqtaldy.
Qýanysh Jumabekuly
«Alataý» dástúrli óner teatry Ádebıet bóliminiń meńgerýshisi
