16 mausym – Ūlytau oblysynda alǧaş ret «Ūlttyq qūryltai» ötkızılmekşı. «Būl qūryltaidan eşnärse kütpeimın. Elde qordalanǧan kürdelı mäseleler öte köp. Ötkızıleiın dep jatqan qūryltaiǧa qyruar qarajat ketedı. Sol qarajatty obal eken dep oilamai ma eken osy... Qazır qanşama adam «Qaŋtar qyrǧynynan» keiın qiyn jaǧdaida qaldy. Adamdar jaqyndarynan aiyryldy. Oq tiıp, jaraqat aldy. Solarǧa kömek bermei me?!" Būl pıkırdı belgılı saiasatker, qoǧam qairatkerı Rysbek Särsenbai Adyrna.kz ūlttyq portalynyŋ tılşısıne bergen sūhbatynda aitty.
«Būl qūryltaidan eşnärse kütpeimın. Ötedı degen mäselege eleŋdep te tūrǧan joqpyn jäne būl turaly oilaǧym da kelmeidı. Öitkenı qazırgı bilık şynaiy halyqtyŋ köŋılınen şyǧatyn şarua atqaryp jatqan joq. Myna soŋǧy referendumdy alyp qaraŋyz. Ne boldy?! Halyqty aldau boldy! Myna qūryltai da sol halyqty aldau! Odan basqa tükte emes», - deidı saiasatker.Rysbek Särsenbaidyŋ aituynşa, eger būl rasymen eldıŋ müddesı üşın köptıŋ köŋılınde jürgen mäselelerdı şeşu maqsatynda ötkızıletın qūryltai bolsa, onda oǧan Qazaqstannyŋ kez-kelgen azamaty baryp, qatysar edı.
«Qazır būl qūryltai öte me, ne bolady degen mäselege eşkım män berıp jatqan joq, tıptı köŋıl audarmaidy da... Ol jaqqa öŋkei jaǧympaz, jaltaq, maqtau-madaqtau aitatyndar ǧana kerek qoi. Al kelelı mäselenı köterıp, köptıŋ köŋılındegı sözdı aitatyn adamdardy ol jerge şaqyrmaidy. Keibır adamdar «bızdı nege şaqyrmady» dep renış bıldırıp jatyr. Qaita men ol adamdarǧa sızderdı «şaqyrtpaǧanyna quanyŋyzdar» deimın. Ol jerge baryp abyroilaryŋyzdy ketırıp nelerıŋız bar?...», - deidı Rysbek Särsenbai.Saiasatkerdıŋ aituynşa, Toqaev Ūlttyq qūryltai ötkızemın dep sonşa aqşany jelge şaşqanşa «Qaŋtar qyrǧynynan» zardap şekken jandarǧa kömek körsetuı kerek edı.
«Elde qordalanǧan kürdelı mäseleler öte köp. Men būl şaraǧa eşqandai qyzyǧuşylyq bıldırgen joqpyn. Ötkızıleiın dep jatqan qūryltaiǧa qyruar qarajat ketedı. Sol qarajatty obal eken dep oilamai ma eken osy... Qazır qanşama adam «Qaŋtar qyrǧynan» keiın qiyn jaǧdaida qaldy. Adamdar jaqyndarynan aiyryldy. Oq tiıp, jaraqat aldy. Solarǧa kömek bermei me?! Qanşama auru-syrqaular, adamdar şetelge şyǧyp emdelıp, ömırlerın saqtaidy. Soǧan bızdıkılerdıŋ mümkındıkterı joq. Odan da solarǧa jūmys aşaiyq, sauapty ıs bolar edı», - deidı qoǧam qairatkerı.Rysbek Särsenbaidyŋ topşylauynşa, «būl sol Toqaevtyŋ jasandy bedelın äspetteu üşın ǧana kerek närse ǧoi»...
«Erteŋ kör de tūryŋyzdar, oi «Toqaev sız keremetsız, anau, mynau» dep aitady. «Toqaev danyşpan» dep bilıkke jetıp jatqandar sonyŋ mysaly bolady ǧoi. Endı erteŋ sol jaqqa baryp madaq aituşylar jarys ötkızedı. Sonyŋ nätijesınde audannan bastap oblystyŋ, ministrlıktıŋ tūtqasyn ūstap jatsa eşqandai taŋ qalmaimyn. Sondailardyŋ közge tüsıp, körınıp qalatyn jerı...», - deidı saiasatker.Qoǧam qairatkerınıŋ aituynşa, bilık «Qaŋtar qyrǧynynan» sabaq alǧan joq.
«Bilıktegılerge «Qaŋtar qyrǧyny» sabaq boldy dep aitu qiyn. Kerısınşe solai ıstegenımız dūrys boldy dep otyrǧan şyǧar. Eger Toqaev jıberılgen qatelıkterdı moiyndasa, onda anau qamauda otyrǧan azamattardyŋ bärın bosatar edı. Naǧyz qylmys jasap, arandatudy ūiymdastyrǧandardan basqa... Ondai jasaǧan joq. Al myna referendum kezınde taǧy da sol oilaryna kelgenın jasady. Soǧan qaraǧanda būl qūryltaidan aitarlyqtai nätije kütu bosqa äureşılık!», - dep pıkırın bıldırdı Rysbek Särsenbai.
Zarina ÄŞIRBEK,
"Adyrna" ūlttyq portaly
