AQŞ Ukrainaǧa qauıpsızdık salasyna järdem aiasynda taǧy bır milliard dollardyŋ qaru-jaraǧyn bermek, dep habarlaidy «Adyrna» ūlttyq portaly.
Būl turaly AQŞ prezidentı Djo Baiden 15 mausymda Ukraina prezidentı Vladimir Zelenskiimen telefonmen söilesken kezde aitty dep habarlady Aq üidıŋ baspasöz qyzmetı.Ekı el basşylary Reseidıŋ Ukrainaǧa basqynşylyq jasap, sol eldıŋ aumaǧynda tört aiǧa juyq uaqyt boiy jürgızıp jatqan soǧysty talqylaǧan. Ukraina prezidentı elıne qoldau bıldırgen AQŞ-qa alǧys aitqan.
Vaşington Ukrainaǧa kömek retınde artilleriialyq jäne teŋız jaǧalauy qorǧanysy qaru-jaraǧy men oq-därıler, qazırgı zamanǧy zymyran jüielerın bermek. Qazır Donbassta qorǧanys operasiiasyn jürgızıp jatqan ukrain küşterı mūndai qaru-jaraqqa mūqtaj ekenın Kiev būrynnan aityp keledı.Būǧan qosa Baidan AQŞ-tyŋ Ukraina halqyna gumanitarlyq kömekke dep qosymşa qarjy böletının habarlaǧan.
"Bız osy soǧystıŋ kesırınen taǧdyry tälkekke tüsken ukrainalyqtardy qoldaudan ainymaimyz. Bügın men Ukraina halqyna gumanitarlyq kömekke qosymşa 225 million dollar berıleının jariialaimyn, būl qarjy qauıpsız auyz su, qajettı därı-därmek pen medisina jabdyqtaryn, azyq-tülık pen otbasylarǧa kündelıktı qajet zattardy satyp alu üşın aqşalai berıledı" dep mälımdegen AQŞ prezidentı.Baiden AQŞ Reseidıŋ eş sebepsız soǧys aşqanyn aiyptap, Ukrainany qoldaidy jäne onyŋ egemendıgı men demokratiiasyn, jerınıŋ tūtastyǧyn qorǧauyna järdemdesedı degen.
"Ukraina halqynyŋ erjürektıgı, tabandylyǧy men batyldyǧy bükıl älemdı tänttı ettı. AQŞ odaqtastary jäne serıktesterımen bırge ukrain halqynyŋ azattyq jolyndaǧy küresıne qoldau körsetudı bosaŋsytpaidy" delıngen Aq üi mälımdemesınde.Baiden qazır Briusselde jürgen AQŞ qorǧanys ministrı Lloid Ostinnıŋ Ukraina qaruly küşterıne halyqaralyq qosymşa kömektı üilestıruge küş salyp jatqanyn da aitqan.
«Adyrna» ūlttyq portaly.
