Bügın Premer-Ministrdıŋ orynbasary Eraly Toǧjanov "DENI SAU ŪLT" ūlttyq medisinalyq sammitınıŋ saltanatty ıs-şarasyna qatysyp, medisina salasynyŋ qyzmetkerlerın memlekettık nagradalarmen marapattady, dep habarlaidy “Adyrna” ūlttyq portaly.
Is-şaraǧa memlekettık organdardyŋ qyzmetkerlerı, medisinalyq qoǧamdastyq ökılderı jäne elımızdıŋ ǧalymdary qatysty.
Vise-Premer Memleket basşysynyŋ medisina qyzmetkerlerı künıne orai resmi qūttyqtauyn oqyp berdı.
Vise-Premer öz sözınde Memleket basşysynyŋ qoldauynyŋ arqasynda elımızdegı medisina deŋgeiı jyl saiyn damyp jatqanyn atap öttı.
Sondai-aq, koronavirustyq infeksiiamen küreste aldyŋǧy şepte jürgen ärbır medisina qyzmetkerınıŋ qajyrly eŋbegınıŋ arqasynda eldıŋ tūraqty äleumettık-ekonomikalyq damuyn qamtamasyz etuge qol jetkızılgenın atap öttı.
“Memleket medisina qyzmetkerlerın qoldau boiynşa bırqatar şaralar qabyldauda. Jalaqy östı, halyqaralyq standarttarǧa säikes keletın eŋbek jaǧdailary jasaluda. Bız densaulyq saqtau jüiesındegı jetıstıkterımızdı maqtan tūtamyz, bıraq būnymen şektelmeimız. Medisina qyzmetkerlerı jūmysynyŋ nätijelerı tıkelei äleumettık äserge ie ekenın atap ötkım keledı, oǧan naqty adamdardyŋ ömırı ǧana emes, jalpy qoǧamnyŋ tūraqtylyǧy da täueldı", - dedı Eraly Toǧjanov.
Sondai-aq, ol pandemiia eldı vaksinalarmen, därı-därmektermen jäne zamanaui medisinalyq jabdyqtarmen qamtamasyz etu qajettılıgın körsettı.
“Sonymen qatar bız aldymyzǧa 2025 jylǧa qarai otandyq öndırıstegı därılık zattar men medisinalyq būiymdardyŋ ülesın 17 - den 50% - ǧa deiın arttyru jönınde naqty mındet qoidyq. Ol üşın Ükımet deŋgeiınde arnaiy keşendı jospar qabyldandy. COVID – 19 pandemiiasy kezeŋınde densaulyq saqtau jüiesınıŋ olqylyqtaryn eskere otyryp, bız epidemiologiialyq boljau men den qoiudyŋ qazırgı zamanǧy jüiesın qalyptastyruǧa baǧyttalǧan jūmysty küşeittık. Memleket basşysynyŋ tapsyrmalaryn ıske asyru aiasynda "Biologiialyq qauıpsızdık turaly" QR Zaŋy qabyldandy, - dep atap öttı E.Toǧjanov.
Is-şara barysynda QR Densaulyq saqtau ministrı Ajar Ginaiat därıgerlerdı merekemen qūttyqtady. Ol elımızdıŋ medisina qyzmetkerlerınıŋ atynan Memleket basşysy men el Ükımetıne medisina salasyn qoldaǧany üşın alǧys aitty.
Eraly Toǧjanov öz sözın qorytyndylai kele, medisina qyzmetkerlerıne käsıbi şeberlıgı men kündelıktı qajyrly eŋbegı üşın taǧy alǧys bıldırdı.
”Adyrna” ūlttyq portaly
