Energetika ministrı janar-jaǧarmai baǧasyn özgertu boiynşa arnaiy būiryqqa qol qoidy. Jaŋa qūjatqa säikes, Qazaqstannyŋ barlyq aimaǧynda janarmai men dizel otynynyŋ şektı baǧasy özgeredı, dep habarlaidy «Adyrna» ūlttyq portaly.
Energetika ministrınıŋ baspasöz qyzmetı habarlaǧandai, Aİ-80-nıŋ şektı baǧasy litrıne 89 teŋgenı, Aİ-92 jäne Aİ-93 Qostanai, Soltüstık Qazaqstan oblystarynda – litrıne 187 teŋge, Nūr-Sūltan, Almaty, Şymkent qalalarynda, Aqmola, Aqtöbe, Şyǧys Qazaqstan, Batys Qazaqstan, Almaty, Atyrau, Jambyl, Qaraǧandy, Qyzylorda, Pavlodar, Türkıstan, Maŋǧystau, Abai, Jetısu, Ūlytau oblystarynda – litrı 182 teŋge qūraidy.Al dizel otyny (jazǧy, mausymaralyq): Aqmola, Aqtöbe, Şyǧys Qazaqstan, Batys Qazaqstan, Qostanai, Soltüstık Qazaqstan oblystarynda, sondai-aq Abai oblysynda – litrıne 260 teŋge; Nūr-Sūltan, Almaty, Şymkent qalalarynda, Almaty, Atyrau, Jambyl, Qaraǧandy, Qyzylorda, Pavlodar, Türkıstan, Maŋǧystau, sondai-aq Jetısu, Ūlytau oblystarynda – litrı 230 teŋgeden tūrady. Būl rette Aİ-95 jäne qysqy dizel otynynyŋ baǧasyn retteu qoldanylmaidy.
Osy būiryq alǧaşqy resmi jariialanǧan künınen bastap qoldanysqa engızıledı jäne küntızbelık 180 kün ışınde qoldanylady. Iаǧni, mūndai baǧalar 2023 jyldyŋ qaŋtar aiynyŋ basyna deiın bekıtıledı.Qūjatta mūnai önımderın bölşek saudada ötkızu körsetkışı mūnai men mūnai önımderınıŋ älemdık baǧasy, europalyq naryqtarǧa tasymaldau şyǧyndary, aksizder, operasiialyq jäne basqa da şyǧystar eskerıletın formula boiynşa aiqyndalatyny atap ötılgen.
«Adyrna» ūlttyq portaly