28 mausymynda QR Prezidentınıŋ janyndaǧy Memlekettık basqaru akademiiasynyŋ tülekterıne diplom tabystaudyŋ räsımı saltanatty türde öttı.Akademiiany sättı aiaqtaǧan 9 doktorantura jäne 122 magistratura baǧdarlamalarynyŋ tülekterıne diplomdar tabystaldy. Sonyŋ ışınde 29 tülek prezidenttık jastar kadrlyq rezervıne öttı.
Tülektıŋ kök mantiiasyn kigen barlyq bıtıruşıler resmi türde QR Prezidentı janyndaǧy memlekettık basqaru akadamiiasynyŋ tülegı bolyp ataldy.
Saltanatty şaraǧa Qazaqstan Respublikasy Prezidentı Äkımşılıgı, Qazaqstan Respublikasynyŋ Memlekettık qyzmet ısterı agenttıgı, Qazaqstan Respublikasynyŋ Syrtqy ıster ministrlıgı jäne Qazaqstan Respublikasy Memlekettık qyzmet habynan qonaqtary qatysty.
Tülekterdıŋ özderı aitqandai, Akademiiaǧa aşyq konkurs arqyly tüsuge bolǧanmen, magistrant atanu oŋai emes. Sebebı jyl saiyn Akademiia öz qataryna tek 130 juyq bılım aluşylardy qabyldaidy eken. Är tülek memlekettık basqaru salasynda alǧan bılımın özınıŋ qyzmet babynda paidalanuǧa asyq.
Dästür boiynşa tülekterge arnap Akademiia rektory Äbıl Erlan Quanyşūly qūttyqtau sözın söiledı: «Akademiianyŋ missiiasy el men älem igılıgı üşın bılımdı qalyptastyru, saqtau jäne taratu bolyp tabylady.
Bız aşyq bolu jäne qorşaǧan ortaǧa degen süiıspenşılık pen öz elıŋdı süiu qūndylyqtaryn ünemı därıptep kelemız. Özderıŋız bıletındei, «Halyq ünıne qūlaq asatyn memlekette» aşyq bolu bügıngı künnıŋ talaby.Qoǧam qairatkerı Älihan Bökeihanov «Ūltqa qyzmet bılımnen emes, mınezden» dep aitqandai, osy atalǧan qūndylyqtardy ünemı ūstanyp jäne odan ärı öz qyzmet joldaryŋyzda ıs jüzınde qoldanyp, käsıbilıktıŋ joǧary deŋgeiın tanytatyndaryŋyzǧa, sondai-aq ekonomikalyq tūrǧydan damyǧan Jaŋa Qazaqstandy qūruǧa öz ülesterıŋızdı qosatyndaryŋyzǧa kämıl senımdımın.»
Qūrmetpen, Akademiianyŋ baspasöz qyzmetı
Bailanys telefony: +7 775 3320800 Bibıgül Qūlaman. Baspasöz hatşysy.
El.poşta: b.kulaman@apa.kz.
