Almatydaǧy atyşuly «Altyn Orda» bazarynyŋ töŋıregındegı dau basylmai tūr. Kerısınşe örşıp barady. Qyzyǧy, būl bazardyŋ qūryltaişylar qūramynda ekonomikalyq tergeu departamentınıŋ eks qyzmetkerı de bar eken.
Körşı elderden kelgen belgısız toptar bazardy özdıgınşe bölıp alyp, bilıgın jürgızıp jatyr. Osyǧan orai dabyl qaǧyp, elordada baspasöz mäslihatyn ötkızgen zaŋger Däuren Ǧabdul mūndaǧy ünemı jazasyz qalatyn ūrlyq-qarlyq pen qoldan jasalǧan qymbatşylyqqa osy toptardyŋ qatysy bar deidı.
Şaǧymdanǧan saudagerler «Altyn ordanyŋ» qazırgı qojaiyny tiıstı jūmystardy jürgıze almai jatqanyn aqparat qūraldaryna jetkızgen. Al zaŋger kompaniiada 95 paiyz ülesı bar astanadaǧy ekonomikalyq tergeu departamentınıŋ būrynǧy qyzmetkerı Hamzinnıŋ qūryltaişylar qūramyna qalai kırgenı belgısız dep otyr.
Būl zaŋsyzdyqtarǧa bazardyŋ qazırgı ielerı jauap berıp, tärtıp ornatuǧa mındettı ekenın qadap aitty.
«Būl – ırı logistikalyq torap. Almaty qalasy men oblysyn qamtamasyz etıp otyrǧan sauda orny. Būl kem degende 3 million adam. Būl – startegiialyq nysan. Eger ol jerdıŋ jūmysynda aqau bolsa, būl ärqaisymyzdyŋ üstelımızdegı nanymyzǧa, jep otyrǧan etımızge deiın äser etedı. Sondyqtan «Altyn ordanyŋ» taǧdyry ärqaisymyzdy alaŋdatuy kerek», – deidı zaŋger Däuren Ǧabdul.Aita ketu kerek, osydan 3 ai būryn kelgen jaŋa qojaiyn bazardyŋ ortadaǧy adamdardyŋ qatysuymen köterıletın baǧalarǧa qatysty bylyqtaryn joiuǧa uäde etken. «Altyn ordanyŋ» būrynǧy qūryltaişylarynyŋ üstınen «2017 jyly bazardy reiderlık jolmen tartyp aldy» degen aryz tüsken bolatyn. Zaŋger Däuren Ǧabduldyŋ aituynşa, qazır sauda orynnyŋ eks-basşylary bazardy qaitaryp aluǧa küş salyp jatqanyn jetkızdı.
«Bazardyŋ basşylyǧy auysyp, bärı özgeredı, jalǧa aluşylar jaqsy ömır süre bastaidy, tauarlardyŋ baǧasy tüsedı dep oiladyq. Säuır aiynan berı «Altyn ordada» baǧa tömendedı me? Bız tärtıptı qoǧam arqyly ornatuymyz qajet. Sebebı, basşylyqtyŋ auysqanynyŋ özı küdık ūialatady», – deidı zaŋger.
