"Ata-babamyzdyń rýhyn oıataıyq. Sonyń arqasynda biz el bolamyz. Sonyń arqasynda bizdiń ultymyz saqtalyp qalady. Tarıhyn bilmese, mádenıetin bilmese, meıram, dástúrin bilmese ol ult bola almaıdy. Sondyqtan basqa ulttyń aldynda bizdiń dárejemiz áldeqaıda úlken. Ásirese tarıhymyzǵa kelgende…". Bul pikirdi Ult uıasy Ulytaýdan jaıaý shyǵyp, 4000 shaqyrymdy artqa tastaǵan 72 jastaǵy jıhankez Sársenbaı Ospanuly “Adyrna” ulttyq portalynyń tilshisine bergen suhbatynda aıtty.
- Jastarǵa aıtarym - eń áýeli tarıhyńdy bil. Eńbek et. Halqymyzdyń ulttyq óner sheberlerinen úlgi al. Sony ary qaraı jalǵastyr. Ulttyq meıramymyzdy árqashan da qadirlep, qurmettep umytylyp ketken meıramdarymyzdy eske alyp, ata-babamyzdyń rýhyn oıataıyq. Sonyń arqasynda biz el bolamyz. Sonyń arqasynda bizdiń ultymyz saqtalyp qalady. Tarıhyn bilmese, mádenıetin bilmese, meıram, dástúrin bilmese ol ult bola almaıdy. Sondyqtan basqa ulttyń aldynda bizdiń dárejemiz áldeqaıda úlken. Ásirese tarıhymyzǵa kelgende… Bizdiń ata-babamyz jylqyny alǵash qolǵa úıretken. Dúnıejúzindegi eń alǵashqy metallýrgııa 3500 myń jyl buryn Ulytaý óńirinde bastalǵan. Aspan álemin zertteý de bizden shyqqan. Bizdi syrt elder kóshpendiler dep túsinbeıdi. Máskeý salynbaı turyp bizdiń eramyzdyń bastamasy retinde birneshe júzdegen qalalar bolǵan. Ol qalalar bolmasa mádenıet qaıdan bolǵan? 3500 myń jyl buryn temir qorytý, metall qorytý ońaı ma? Ol - óner. Ol - kásip. Oǵan teńdesi keletin eshqandaı ǵalym joq dep aıtýǵa bolady. Bizdiń ata-babalarymyz ǵalym dep aıtsaq artyq bolmaıdy. Solardan úlgi alaıyq. Solardyń jolyn jańǵyrtyp, bolashaq urpaǵymyzǵa bereıik. Sonda biz memleket bolamyz, sonda bizdiń ultymyz saqtalady. Ulttyq dástúrimizdi umytpaıyq. Qadirleıik, qasterleıik. Basqa ulttarǵa túsindirip, bizdiń mádenıetimiz, tarıhymyz zor ekenin aıtyp, maqtanysh etip júreıik, - deıdi 72 jastaǵy jıhankez Sársenbaı Ospanuly.
Ulytaumen atanǵan eńbek ardageri, sheber restavrator Sársenbaı Ospanuy «Ulytaýǵa bardyń ba?» degen ekspedıııasymen óz saparyn 31 naýryzda bastap, buǵan deıin 10 oblysty jaıaý aralap shyǵyp, qazir el astanasyna taban tiredi. Kúnine 40 shaqyrym joldy basyp ótip, 17 oblysty qazan aıyna deıin jaıaý júrip ótýdi maqsat tutqan 72 jastaǵy saıahatshy 8 myń shaqyrym joldy baǵyndyrýdy kózdep otyr.
Zarına ÁShIRBEK,
"Adyrna" ulttyq portaly
