"Qaŋtar oqiǧasy" Qairat Satybaldy, Dikii Arman jäne Kärım Mäsımov tarapynan maqsatty türde ūiymdastyryldy. Būl pıkırdı belgılı advokat Abzal Qūspan "Sūrauy bar" YouTube arnasyna bergen sūhbatynda aitty, dep jazady "Adyrna" ūlttyq portaly.
Abzal Qūspannyŋ sözınşe, "Qaŋtar oqiǧasyna" Qairat Satybaldy men Dikii Armannan bölek Kärım Mäsımovtıŋ de tıkelei qatysy bar.
"Otbasy müşelerı, sonyŋ ışınde däl qazır qamauda jatqan Qairat Satybaldydan bastap eŋ negızgı tūlǧa sol. "Sentrovoi figura" deidı ǧoi. Onyŋ komandasy myqty ekenın bılemız. Ūlttyq qauıpsızdık komitetınıŋ ökılderı bar, "Dikii" Arman bar. Dikii Armannyŋ ŪQK-men bailanysy bar ekenın "Qaŋtar oqiǧasy" bolmai-aq 2021 jyldyŋ qaraşasynda aşyq aitqanbyz. Ol — qoldan jasalǧan "batyr" edı ǧoi. Eşqandai da vor v zakone emes, arnaiy bır qylmys älemınıŋ zaŋyna säikes qylmys älemınıŋ serkesı emes , — deidı advokat.Advokattyŋ aituynşa, Qairat Satybaldy bastaǧan top Toqaevtyŋ qolynda şoǧyrlanyp qaludan qatty qoryqty.
"Būlardyŋ tarapynan maqsatty türde ūiymdastyrylǧan dep aituǧa bolady. Tolyq negız bar. Osy armiia daiyn tūrdy. Olar şyn mänınde de Toqaevtyŋ bilıkte bara-bara legalizasiiasy jüzege asyp ketetınen qatty qauıptendı. Qalai bolǧan jaǧdaida da bırınşı prezidenttıŋ jasy keldı. Ol kez-kelgen uaqytta, kez-kelgen sätte "bır aiaǧy myna jaqta bolsa, bır aiaǧy ana jaqta" ketıp qaluy mümkın. Ol endı tabiǧattyŋ zaŋy ǧoi. Sol kezde Toqaev resmi türde bilıkte qalyp qoiady degen qauıp boldy. Sondyqtan olar daiyn otyrdy. Oǧan qatysty öte köp derekter bar", — deidı Abzal Qūspan.
"Kärım Mäsımov otbasyǧa sendı. Otbasynyŋ belgılı bır müşelerıne stavka qoidy. Sonyŋ ışınde Qairat Satybaldyǧa stavka qoidy. Otbasyda basqa da müşeler bar ǧoi. Qyzdary bar, küieu balalary bar. Solardyŋ ışınde bıraq äldeqaida myqtylary sol Qairat Satybaldy bastaǧan top qoi", - deidı advokat.https://youtu.be/yF_9mtAra9o
"Adyrna" ūlttyq portaly
