Qazaqstan Respublikasynyŋ Memlekettık keŋesşısı Erlan Qarinnıŋ töraǧalyǧymen Şetelde kadrlar daiarlau jönındegı respublikalyq komissiianyŋ kezektı otyrysy öttı. Komissiia şeşımımen «Bolaşaq» halyqaralyq stipendiiasy 199 qazaqstandyqqa berıldı. Olar magistratura men doktoranturada oqityn bolady, dep jazady "Adyrna" ūlttyq portaly. Būl turaly Aqordanyŋ resmi saity habarlady.
Prezident Qasym-Jomart Toqaevtyŋ «Bolaşaq» baǧdarlamasyn qaita baǧdarlau jönındegı tapsyrmasyna säikes injenerlık-tehnikalyq kadrlardy daiarlauǧa basa män berıldı. Eger ötken jyly injenerlık-tehnikalyq mamandyqtarǧa 36% stipendiia bölınse, biyl 60% bölındı.
Sonymen qatar, medisinalyq baǧyttaǧy akademiialyq baǧdarlamalarǧa ümıtkerlerdıŋ qoljetımdılıgın jäne qyzyǧuşylyǧyn arttyru maqsatynda Respublikalyq komissiia medisina qyzmetkerlerın akademiialyq oqytu üşın jeke sanat bölu turaly şeşım qabyldady. Jalpy, biyl magistratura men rezidenturada oquǧa 385 stipendiia, doktorantura baǧdarlamalary boiynşa 60 stipendiia bölındı. Osy jyldyŋ soŋyna deiın Respublikalyq komissiianyŋ taǧy ekı otyrysy ötedı.«Bolaşaq» halyqaralyq stipendiiasyn taǧaiyndau konkursyna qatysu üşın qūjat qabyldau biylǧy 30 mamyrda bastaldy jäne 14 qazanǧa deiın sozylady. Taǧylymdamadan ötu üşın qūjat qabyldau 2022 jylǧy 5 qyrküiekte bastalyp, 14 qazanǧa deiın sozylady. Jiyn qorytyndysy boiynşa Erlan Qarin bırqatar naqty tapsyrma berdı.
"Adyrna" ūlttyq portaly
