Bas prokýratýra birinshi qyzmet bastyǵynyń orynbasary Eldos Qılymjanov Ortalyq kommýnıkaııalar qyzmetiniń brıfınginde qańtar oqıǵasyn tergeý isi boıynsha málimettermen bólisti.
"Barlyǵy qańtar oqıǵasy boıynsha sotqa 479 qylmystyq is joldanyp, 545 adam sottaldy. Bılik ókilderine qatysty kúsh qoldanǵan, múlikterdi zaqymdaýǵa baılanysty aýyr qylmys jasaǵan, sondaı-aq zalaldy ótelmegen jáne ótelmegen sottylyǵy bar 83 sottalýshy naqty bas bostandyǵynan aıyrý jazasyn aldy", – dedi Qılymjanov brıfıng barysynda.
Qazir 349 kúdikti qamaýda otyr. Olardyń qıratýǵa, ǵımarattardy órteýge, qarý jymqyrýǵa, memlekettik nysandarǵa jáne quqyq qorǵaý organdary qyzmetkerlerine qarýly shabýyl jasaýǵa belsendi túrde qatysqany anyqtaldy.
Árbir qamaýǵa alynǵan adamnyń osy qylmystarǵa qatysy baryn rastaıtyn málimetter jetkilikti eken.
Qazirgi tańda arnaıy prokýrorlardyń óndirisinde jappaı tártipsizdikter boıynsha 53 qylmystyq is, terrorızm aktisi boıynsha 32 qylmystyq is jatyr.
“Adyrna” ulttyq portaly
