Taǧdyr synyna moiymai, özın qolǧa alu arqyly alǧa qarai qadam basyp, bolaşaǧynan ülken ümıt kütetın jandar qanşama?! Maŋdaiyna jazylǧan taǧdyrdan qaşyp, qūtyla almasyn bılse de, ömırden öz ornyn tauyp, eşkımge masyl bolmai öz künın özı körıp jürgen jandar barşamyzǧa ülgı. Solardyŋ bırı — Batys Qazaqstan oblysynyŋ Jänıbek auylynda tūratyn Qantym Ǧūmarova.
Ömırge ǧaşyq äiel mügedektıgıne qaramastan, tıgınşılık jäne qolönermen ainalysyp, käsıbın domalatyp otyr. «Adyrna» tılşısı qaisar janmen tıldesıp, az-kem äŋgıme qūrdy.
Ǧūmarova Qantym Amanqyzy 1955 jyly jeltoqsan aiynyŋ jiyrma altynşy jūldyzynda Batys Qazaqstan oblysy, Bökei orda audany, Temırmasin auyldyq okrugınde düniege kelgen. Qūrmanǧazy sovhozy, Saraljyn auylynda oqyp, bılım aldy.
1966 jyly 11 jasynda jol apatyna tüsken. 1980 jyldary jaraqaty qaita syr berıp, därıgeler kömegıne jügıngen Qantym Amanqyzy qate emdelu saldarynan dertın asqyndyryp, onkologiialyq auruǧa şaldyqqan. Keiın emın Almaty qalasynda jalǧastyrdy. Mamandardyŋ qatelesuı nätijesınde süiegı balqyp, jılık maiy aǧyp ketken. Osylaişa 2 jyl emdelıp, eş nätije bolmaǧan soŋ aiaǧyn kesuge mäjbür bolǧan. Alǧaşqy jyldary I top, keiın II top mügedektıgıne şyqty.
Keiıpkerımız bala kezınen anasynan şūlyq toqyp, keste tıgıp üirengen. Mügedektık alǧannan keiın ol tıgınşı bolyp jūmysqa ornalasady. 10 jyldan keiın Jänıbek audanyna tūrmysqa şyǧyp, sol uaqyttan bastap qolönermen ainalysudy jön köredı. Jūmys ıstep jürgen seh jūmysyn toqtatqan soŋ üide otyryp tıgu jäne toqu jūmystarymen ainalysady.
2011 jyly grant arqyly ıs maşina alǧan.
Äŋgıme barysynda ruhy biık äiel öz jan-syrymen bölıstı.
Sūqbat soŋynda Qantym Amanqyzy jastarǧa öz-aqyl keŋesın aitty.
«2019 jyly "Amanat" Jänıbek bastauyş partiiasy mümkındıgı şekteulı adamdar arasynda ötken saiysta I oryn aldym. Osyǧan orai maǧan köp funksionaldyq ıs maşinany syiǧa tartty. Qazırgı taŋda körpe, tösekşe, köpşık, qorjyn, sömke syndy dünielerdı öz qolymmen jasaimyn. Kiımın qysqartqysy kelgender nemese qyz jasauyna tapsyrys beruşıler üiıme kelıp, qyzmetımdı tūtynady»,— deidı Qantym Amanqyzy.
Äŋgıme barysynda ruhy biık äiel öz jan-syrymen bölıstı.
«Aiaǧymnan kesılıp Saratovta protez alyp jatqan kezımde emhanadan qos qoly joq adamdy körgende täubeme keldım. Oǧan deiın jer jüzındegı jalǧyz mügedek menmın dep oilaityn edım»,– dep tüsındırdı ol.Aituynşa, jūmys barysynda türlı qiyndyq bolady.
«Auylda tūrǧandyqtan, qajettı mata men jıpke, taǧy da basqa kerektı qūraldarǧa qol jetkıze almai qalamyn. Qalaǧa künde baruǧa mümkındık joq. Odan bölek, qarjylai jaǧynan da qiyndyqtar bolyp tūrady. Auylda eş käsıpkerden de, bilık tarapynan da eşqandai kömek, qoldau bolyp otyrǧan joq. Qoldan kelgenşe Almatyǧa jyl saiyn protezge barǧanymda kerek-jaraǧymdy alyp alamyn. Qiyndyqsyz ömır joq. Sol sebeptı, moiymai basqa joldaryn qarastyryp otyramyn. Atadan qalǧan ūlaǧatty sözderdı jiı oqimyn. Osylaişa motivasiia alamyn. Myna bır öleŋ joldary erekşe şabyt beredı: Täubeŋe kel pende bolsaŋ esı bar, Sabyrsyzdar qadırsız bop tosylar. Düniege qolyŋ jetpei qalǧanda, Qos qoly joq pendelerdı esıŋe al»,— dep qaisar jan aǧynan jaryldy.
Sūqbat soŋynda Qantym Amanqyzy jastarǧa öz-aqyl keŋesın aitty.
«Är ıstıŋ öz qiyndyǧy bar. Şydamdy, sabyrly bolyŋdar. Tözımdılık pen eŋbektıŋ arqasynda bärıne qol jetkıze alasyŋdar. Ūialy telefonǧa telmıre bermei, jaŋa närse üirenuge asyǧyŋdar. Barlyq jastardy eŋbekke şaqyramyn!»— dep sözın tüiındedı ol.Qaisar mınez Qantym Amanqyzynyŋ ömır jol qai-qaisymyzǧa da sabaq bolary anyq. Nesiesız, öz eŋbegımen käsıbın domalatyp otyrǧan janǧa şyǧarmaşylyq tabystar tıleimız!
«Adyrna» ūlttyq portaly
