Aımaǵambetov: 4 oqýshymyz halyqaralyq olımpıadada jeńimpaz atandy

5980

Ulttyq qurama hımııadan halyqaralyq olımpıadada (IChO-2022) 1 altyn jáne 3 kúmis medal jeńip aldy. Bıyl bul jarys Tıanzın qalasynda (Qytaı) ótti, dep jazady "Adyrna" ulttyq portaly. Bul týraly QR Oqý-aǵartý mınıstri Ashat Aımaǵambetov óziniń feısbýk paraqshasynda habarlady. 

"Elimizdiń atynan Nur-Sultan, Qaraǵandy, Pavlodar jáne Aqtaý qalalarynan 4 oqýshy qatysty. Olar álemniń 83 elinen kelgen 322 oqýshymen baq synasty. Osylaısha, 4 oqýshymyz da bedeldi olımpıadanyń jeńimpazy atandy. Ulttyq quramaǵa 2017 jyldan bergi alǵashqy altyndy Madııar Qasymaly ákelse, Sanjar Bısenáli, Sanjar Nurǵalıev jáne Almıra Nurlanova kúmis júldeni enshiledi. Byltyr qorjynymyzǵa úsh kúmis, bir qola medal túsken bolatyn. Oqýshylarymyzdy joǵary nátıjelermen jáne laıyqty jeńisterimen quttyqtaımyn! Balalarymyzdyń matematıka, fızıka, hımııa pánderinen halyqaralyq olımpıadalardaǵy jetistikteri jaratylystaný pánderindegi jaqsy jetistikterdiń kórsetkishi. Komandanyń tabandylyǵy, bilimi, eńbegi jáne jeńiske degen jigeri barlyq oqýshyǵa úlgi bolary sózsiz. Oqýshylarymyzǵa bergen bilimderi men daıyndyqtary úshin áriptesterime alǵys aıtqym keledi. Bıyl osyndaı olımpıadalardyń jeńimpazdary alǵash ret qoldaý sharalaryna ıe bolady. Olar qomaqty aqshalaı syıaqy alýǵa jáne otandyq JOO-larǵa UBT tapsyrmaı-aq túsýge múmkindik alyp otyr. Oqýshylardy jarysqa daıyndaǵan ustazdar da tólemaqy alady", - dep jazdy mınıstr. 

"Adyrna" ulttyq portaly 

Pikirler
Redakııa tańdaýy