Balabaqşalardy lisenziialau olardyŋ jūmysyn jaqsartyp, jemqorlyqty azaitady jäne kürt qysqartuǧa äkelmeidı. Būl turaly Bılım jäne ǧylym salasyndaǧy sapany qamtamasyz etu komitetınıŋ töraǧasy Gülzat Köbenova Oqu-aǧartu ministrlıgınıŋ Facebook paraqşasynda ötken brifingte aitty, dep jazady "Adyrna" ūlttyq portaly.
Ol lisenziialau kezeŋ-kezeŋımen jürgızıletının jäne ony engızu 2024 jylǧa josparlanǧanyn atap öttı. Iаǧni būl mektepke deiıngı ūiymdarǧa jūmysty sapa standarttaryna säikestendıru üşın uaqyt berıletının bıldıredı.
Lisenziia alu üşın balabaqşalar eŋ tömengı bılıktılık talaptaryna sai boluy kerek. Äŋgıme jasalǧan jaǧdaidyŋ sapasy, kadrlardy ırıkteu, beinekameralar ornatu, sanitarlyq jäne ört qauıpsızdıgı normalaryn saqtau jäne t.b. turaly bolyp otyr.
«Bügıngı taŋda mektepke deiıngı ūiymdardy aşuǧa bıryŋǧai talaptar joq. Balabaqşa aşqanda qandai jaǧdai jasalǧanyn, kımdı jūmysqa alady, materialdyq-tehnikalyq jabdyqtaluy qandai ekenın eşkım teksermeidı. Keibır jekemenşık balabaqşalar tıptı aşylǧany turaly da habarlamaidy. Balabaqşalardy lisenziialau 2011 jyly toqtatylǧan bolatyn. Ol kezde būl balalardy mektepke deiıngı tärbiemen qamtudy arttyruǧa mümkındık berdı. Bügıngı künı bız balabaqşamen 100 paiyzǧa deiın qamtuǧa qol jetkızdık. Elımızde 11 myŋǧa juyq mektepke deiıngı ūiym jūmys ısteidı, onyŋ 5 myŋnan astamy jekemenşık. Endı bız sapa mäselesın bırınşı orynǧa qoiyp otyrmyz. Eşkım balabaqşa sanyn qysqartudy maqsat etıp otyrǧan joq. Ministrlıkke ata-analardan aryz-şaǧymdar tüsıp jatyr. Eger balabaqşanyŋ jūmysy talapqa sai bolsa, onda ol eş qiyndyqsyz lisenziia alady. Al eger säikessızdıkter bolsa, olardy joiu qajet. Mıne bar-joǧy osy. Ministrlık 2024 jyldan bastap kezeŋ-kezeŋımen lisenziialaudy engızedı. Balabaqşadaǧy jūmysy sapaly jürıp jatqan käsıpkerlerge qorqatyn eşteŋe joq. Qalypty, talapqa sai jūmys ıstep jürgen balabaqşalar lisenziialaudan qoryqpaitynyn erekşe atap ötkım keledı. Räsım tolyǧymen avtomattandyrylyp, tūraqty türde jūmys ısteidı», - dedı Bılım jäne ǧylym salasyndaǧy sapany qamtamasyz etu komitetınıŋ töraǧasy Gülzat Köbenova.Bırınşı kezeŋde endı aşylyp jatqan mektepke deiıngı ūiymdar lisenziia alady. Būl jylyna şamamen 200-dei balabaqşa. Kelesı kezeŋde – qaita memlekettık attestasiiadan öte almaǧan mektepke deiıngı ūiymdar (jylyna 10-15 balabaqşa). Sodan keiın täuekeldı baǧalau därejesıne bailanysty qalǧan barlyq jūmys ıstep tūrǧan balabaqşa ötedı. Balabaqşalardy lisenziialau köptegen elde qoldanylady. Olardyŋ arasynda Germaniia, Australiia, Kanada, Koreia, Malaiziia, Singapur, Resei jäne t.b. bar. Mysaly, Germaniiada, Australiiada jäne Kanadada balalardyŋ jaǧdaiyna qauıp tönse nemese ūiymnyŋ jūmysy sapa standarttaryna säikes kelmese, onda lisenziia qaitaryp alynuy mümkın. Jeke käsıpkerler de, balalar müddesı basymdyqqa ie jeke bılım beru ūiymdarynyŋ bırlestıkterı de balabaqşalardy lisenziialaudy qoldap otyrǧanyn eskerte keteiık. Käsıpker Dinara Qūdaiqūlova balabaqşalardyŋ qyzmetı rettelmegenın aityp otyr.
«Balabaqşalardyŋ 93%-y memlekettık tapsyrys (memlekettık qarjylandyru) alady. Balabaqşanyŋ iesı retınde balalardy oqytyp jatyrmyz ba, qalai oqytamyz, olardy qalai tamaqtandyramyzdy eşkım bılmeitının aita alamyn. Ata-analar bızge senedı, bıraq baqylau joq. Būǧan 10 jyl boiy barlyǧy boi üiretıp alǧan. Bıraq onyŋ saldaryn körıp otyrmyz. Al qazır eşkım baqylau jürgızılgenın qalamaidy. Olardyŋ qatarynda men de barmyn. Eger aqylǧa salyp qaraityn bolsaq, men üş balanyŋ anasymyn. Bügın men balabaqşa jūmysymen ainalysyp otyrmyn, bıraq erteŋ mūndai jūmys ıstemeuım mümkın. Al nemerelerım qandai balabaqşaǧa barady? Balalar jylynda keler ūrpaqtyŋ bolaşaǧyn oilauymyz kerek. Vaucherge keletın bolsaq. Nege balabaqşa qūryltaişylary ata-analardy aqymaq köredı? Nelıkten keibıreuler ata-analar öz qaltasynan tölei almaidy dep oilaidy. Nege olar ata-analarǧa aqşa bergısı kelmeidı? Bız onlain nesie alamyz, kommunaldyq tölemderdı, aiyppūldardy jäne t.b. töleimız. Balabaqşalardyŋ qūryltaişylary ata-analar vaucher jüiesın paidalana almaidy dep oilai ma? Būl qarjyny böludıŋ aşyqtyǧy», - deidı «Ädılet» respublikalyq mektepke deiıngı jäne orta bılım beru qauymdastyǧynyŋ töraǧasy Dinara Qūdaiqūlova.
"Adyrna" ūlttyq portaly
