"Elge qairatylǧan qarajattyŋ bärı qoǧamnyŋ baqylauynda bolatyn aşyq qorǧa jinaqtaluy tiıs. Ūrylardyŋ, jemqorlardyŋ bilık jüiesın qūrǧan bas arhitektor Nūrsūltan Nazarbaevtyŋ özınen bastap bırde-bır tuysqanyn qaldyrmai, tekseru jürgızu kerek! Būl tekseru aşyq jariia boluy kerek". Būl pıkırdı belgılı saiasatker, qoǧam qairatkerı Rysbek Särsenbai Adyrna.kz ūlttyq portalynyŋ tılşısıne bergen sūhbatynda aitty.
"Qairat Satybaldy, Qairat Boranbaev, Gülmira Satybaldy degenderden jalpy jiyntyǧy 277 mlrd teŋge, iaǧni 615 mln dollar qarajattyŋ kerı qaitarylǧany şyn bolsa, ony rastaityn qūjatty bilık jariia etuı tiıs. Onsyz äldebır qoiylym dep esepteuge, senımsızdık bıldıruge qoǧamnyŋ tolyq haqysy bar. Nazarbaevtyŋ memleket qazynasyn tonaǧan toiymsyz tuystarynyŋ ekı-üşeuın şala qūstyryp, qalǧandarynyŋ qaltasynda qaldyru äreketıne jol berılmeu kerek. Būlardyŋ bärı de halyqtyŋ nesıbesın mlrdtaǧan teŋgemen emes mlrdtaǧan dollarmen qymqyrǧandar, qarpyǧandar... Sondyqtan būl jerde "mlrdtaǧan teŋge qaitaryldy" dep aldauǧa bolmaidy. Mūny qajet bolsa "mlrdtaǧan dollarmen" eseptesın. Sol baǧamen halyqqa jariia etsın!", - deidı saiasatker.Rysbek Särsenbaidyŋ aituynşa, elge qaitarylǧan qarajattyŋ bärı qoǧamnyŋ baqylauynda bolatyn aşyq qorǧa jinaqtaluy tiıs. https://youtu.be/xTOCk6jUT7Y
"Sol qor arqyly bölınıp, qai qarajat qanşa kölemde qaida jūmsaldy? Jūrtşylyqqa esep berılıp otyruy qajet. Mınekei, sondai jaǧdaida ǧana bız qaitarylǧan qarajattyŋ taǧy da ekınşı ret basqa bır jemqorlardyŋ qaltasyna tüsıp ketpeuıne tosqauyl qoia alatyn bolamyz. Ūrylardyŋ, jemqorlardyŋ bilık jüiesın qūrǧan bas arhitektor Nūrsūltan Nazarbaevtyŋ özınen bastap bırde-bır tuysqanyn qaldyrmai, tekseru jürgızu kerek! Būl tekseru aşyq jariia boluy kerek! Osy oraida qoǧam tarapynan qūrylyp, jūmys ıstep jatqan qoǧamdyq qor bar. Sondai-aq şeteldegı osy ıspen ainalysyp şetke Qazaqstannan zaŋsyz audarylǧan ūrlanǧan qarajattardyŋ soŋyna tüsken ızdeuşıler bar. Mıne, solardyŋ bärı Qazaqstan ışındegı yntaly toptarmen, jurnalistık zertteulermen tiıstı memlekettık organdarmen bırlese otyryp, osy qarajattardy jinaqtauy kerek", - deidı Rysbek Särsenbai.
Zarina ÄŞIRBEK,
"Adyrna" ūlttyq portaly
