«AMANAT» partııasynyń Ortalyq apparatynda «Jastar Rýhy» jastar qanaty iske qosqan «BIR TOLQYNDA» dıalog alańynyń otyrysy ótti. Sarapshylar Jańa Qazaqstan jastary úshin úsh basymdyq sanalatyn bilimge umtylý, eńbeksúıgishtik jáne patrıotızm taqyryptaryn talqylady. Memleket basshysy Qasym-Jomart Toqaev osy úsh basymdyqty jastar uıymynyń kezekten tys VI Sezinde delegattarǵa joldaǵan beıneúndeýde aıqyndap berdi.
Dıalog alańynyń otyrysyna qatysqan «AMANAT» partııasynyń Hatshysy Dáýlet Káribek jastar árdaıym oń ózgeristerdiń senimdi serigi sanalatynyn atap ótti.
«Prezıdent el jastaryna arnaǵan úndeýinde óskeleń urpaqtyń basty qundylyǵy eńbeksúıgishtik, tereń bilim, otanshyldyq bolýy tıis ekenine erekshe toqtaldy. Eldi kózi ashyq, kókiregi oıaý azamattar alǵa bastaıdy. Aıanbaı eńbek etip, adal tabys tabatyn árbir adam qoǵam, memleket damýyna úles qosady. Bul – aqıqat. Osy qundylyqtardy jas býynnyń boıyna sińirip, olardyń jańa trendine aınaldyrý maqsatynda erteńnen bastap elimizdiń túkpir-túkpirinde túrli jobalardy júzege asyramyz. Dıalog alańdaryn uıymdastyramyz», – dedi Dáýlet Káribek.
Óz kezeginde, Ǵylym jáne joǵary bilim mınıstri Saıasat Nurbek otandyq ǵylymdy dáripteý osy kúnniń ózekti mindeti sanalatynyn atap ótti.
«Prezıdent óz úndeýinde bilimge degen umtylys týraly aıta kelip, bolashaqtyń kilti ıfrlyq tehnologııa men ınnovaııada ekenin jetkizdi. Sondyqtan ǵylymdy jastar úshin tartymdy etý, al ǵylymı qyzmetti bıik mansapqa bastaıtyn tramplınge aınaldyrý – asa mańyzdy», – dep atap ótti mınıstr.
Májilis depýtaty, «AMANAT» partııasy frakııasynyń múshesi Iýlııa Kýchınskaıanyń aıtýynsha, ómirdiń barlyq salasy tereń transformaııadan ótip jatqan dáýirde irgeli qundylyqtar asa mańyzdy oryn alady.
«Bul týraly Memleket basshysy óziniń beıneúndeýinde de aıtqan bolatyn. Patrıotızm – bul adamnyń arqaýy, onyń ózin-ózi tanýy jáne álemde óz ornyn taba bilýi. Bilim men eńbekqorlyqqa umtylý – óz josparyńdy júzege asyrý men jetistikke jetýdiń negizi. Memlekettik saıasattyń búgingi mindeti – elimizdiń qalalary men aýyldarynda, óńirlerinde turyp jatqan jastardyń jaǵdaıy men ómir sapasyndaǵy sáıkessizdikterdi azaıtý», – dep atap ótti depýtat.
Aqparat jáne qoǵamdyq damý vıe-mınıstri Aleksandr Danılovtyń aıtýynsha, qazir patrıot ári beı-jaı qaraýdy bilmeıtin urpaqtyń ýaqyty keldi.
«Men úshin patrıotızm degenińiz uǵynyqty, buljymaıtyn, aýqymy keń dúnıe. Bolyp jatqan jaǵdaıǵa, máselen ádiletsizdike nemquraıly qaramaý degen sóz. Al beı-jaı qaraı almaý – ómir shyndyǵyna aınalýy tıis jastardyń ıdeıasy men isteri», – dep qosty spıker.
Kezdesý moderatory bolǵan «Jastar Rýhynyń» tóraǵasy Nurjan Jetpisbaev partııanyń jastar qanaty Qazaqstannyń bolashaǵyna qatysty jaýapkershilikti tolyq sezinetinin málimdedi.
«Ózin-ózi turaqty damytý, bilim alýǵa umtylý – qazirgi zaman azamaty úshin asa qajet qasıetter. Búginde ózgerister óte jyldam júrip jatyr. Sondyqtan jańa zaman jastary áleýmettik turǵyda ıkemdi bolýy qajet. Iaǵnı, qosymsha bilim alýǵa, jańa mamandyqty ıgerýge jyldam beıimdelý mańyzdy. Al «Jastar Rýhy» elimizdiń eń iri jastar uıymy retinde óskeleń urpaqtyń ózekti máselelerin sheshý úshin bar kúsh-jigerin, áleýetin jumsaıdy», – dedi Nurjan Jetpisbaev.
Talqylaýǵa Parlament Májilisiniń depýtattary, Úkimet músheleri, úkimettik emes uıymdardyń, jastar uıymdarynyń kóshbasshylary jáne taǵy basqalar qatysty.
