Qyzylorda oblysynda jyl saiyn ekonomikalyq jäne demografiialyq ösım qarqyndy damyp, eŋbekke belsendı halyq sany artyp keledı. Būl öz kezegınde qoǧamdyq, äleumettık jäne mädeni-köpşılık şaralarda belsendılık tanytatyn ortanyŋ da ūlǧaiuyna oŋ yqpaly zor.
Bügınde oblys ortalyǧynda syiymdylyǧy jaǧynan eŋ ülken 600 oryndyq N. Bekejanov atyndaǧy qazaq-muzykalyq akademiialyq drama teatry aimaq halqyna qyzmet etıp keledı. Degenmen aimaq halqy sanyny ösımınıŋ oŋ dinamikasyna bailanysty öŋırdegı mädeniet üilerı men öner ordalaryndaǧy ülken syiymdylyqtaǧy körermenderge arnalǧan oryn jetkılıksızdıgınıŋ tuyndaǧanyna bırşama uaqyt boldy. Osy jaǧdaidy eskere kele, aimaq basşysy N.Nälıbaev oblys ortalyǧynan zamanaui ülgıdegı bırneşe äleumettık ǧimarat salu turaly bastama kötergenbolatyn. Sonyŋ bırı – «Öner saraiy».
Aimaq basşysynyŋ tapsyrmasy negızınde Sūltan Beibarys köşesınıŋ boiynan salynatyn ǧimaratqa 2,0 gektar jer kölemı belgılengen. Halyq igılıgıne paidalanuǧa berıletın nysan 1000 oryndyq köpfunksionaldy keşen retınde aşylady. Iаǧni, onda mädeniet salasynyŋ simfoniialyq, estradalyq jäne ūlttyq öner baǧytyndaǧy konserttık baǧdarlamalar men türlı formattaǧy qoǧamdyq ıs-şaralar da ötkızıledı.
Sondai-aq, qalamyzda neke qiiudy josparlaǧan jandar eskı ǧimaratta ornalasqan azamattyq hal aktılerın tırkeu mekemesıne jügınetın. Jas jūbailar üşın eŋ maŋyzdy jäne tarihi saltanatty räsım ūiymdastyratyn kabinetımen jabdyqtalmaǧan ǧimaratqa qatysty tūrǧyndar men jaŋa ömırge bırge qadam basuǧa kelgen jastar tarapynan da ūsynystar jiı aitylyp keldı. Osyny eskergen aimaq basşysy «Neke saraiy» saltanatty ǧimaratyn salu turaly tapsyrma berdı.
Atalmyş äleumettık nysannyŋ boi köteruı aimaqtyŋ qūrylys-industriialyq säuletın arttyrumen qatar otbasylyq-demografiialyq saiasatty jüzege asyruǧa üles qosuǧa talaptanǧan jastardyŋ ömırındegı eŋ maŋyzdy sätterın äserlı etuge zor mümkındık syilaidy. Aita keteiık, zamanaui ülgıde salynatan ǧimarattyŋ jalpy audany 2100 şarşy metrdı qūraidy.
Bügınde qūrylys jūmystaryn jürgızuşı merdıgerdı anyqtauǧa memlekettık satyp alu konkursy jariialanǧan. Äleumettık nysan paidalanuǧa berılgen soŋ mūnda oblys tūrǧyndaryna AHAT qyzmetımen qatar otbasy qūndylyqtaryn därıpteitın äleumettık-mädeni ıs-şaralar da jürgızıledı dep kütılude. Aita ketu kerek, būl nysandardyŋ jobalyq-smetalyq qūjattamasy demeuşıler esebınen äzırlenude.
