Sınoptıkter Qazaqstandaǵy 28, 29 jáne 30 shildedegi aýa raıy týraly málimdedi, - dep habarlaıdy "Adyrna".
Qazgıdromet Qazaqstannyń soltústik bóligindegi meteorologııalyq jaǵdaıdyń qazirdiń ózinde nasharlaı bastaǵanyn atap ótti.
"Buǵan respýblıka aýmaǵyn ystyq ońtústik pen salqyn soltústikke bólgen atmosferalyq front sebep boldy. Frontaldy bóliktiń birtindep jyljýy soltústik jartysynda, odan keıin shyǵysta, ońtústik-shyǵysta qatty jańbyr jaýady. Elde kún kúrkirep, jel kúsheıedi, keı jerlerde burshaq jaýýy múmkin. Munyń bári soltústikte termometr kórsetkishteriniń tómendeýine jáne eldiń ońtústik jartysynda aptap ystyqtyń álsireýine yqpal etedi.
Kúndiz aýa temperatýrasy tómendeıdi dep kútilýde:
Qazaqstannyń soltústik-batysynda, soltústiginde kúndiz +20...+30 °S-tan +15...+25 °S-qa deıin;
respýblıka ortalyǵynda +25...+33 °S-tan +18...+27 °S-qa deıin;
shyǵys aımaqtarda aptap ystyq +25...+35 °S-tan +19...+29 °S-qa deıin tómendeıdi;
Qazaqstannyń ońtústiginde, ońtústik-shyǵysynda +30...+39 °S-tan +25...+36 °S-qa deıin;
respýblıkanyń batys oblystarynda aýa temperatýrasy +28...+35 °S shamasynda bolady.
Qazaqstan qalalarynyń aýa raıy boljamy kartasyn silteme boıynsha kórýge bolady.
"Adyrna" ulttyq portaly
