Qazaqstan Respublikasy Ūlttyq qauıpsızdık komitetı töraǧasynyŋ būrynǧy bırınşı orynbasary Samat Äbışten Kärım Mäsımov pen osy ıs boiynşa basqa da aiyptaluşylardyŋ ısı boiynşa jauap alyndy, - dep habarlaidy "Adyrna" tılşısı.
ŪQK sondai-aq Samat Äbıştıŋ ūstalǧan basqarmanyŋ būrynǧy basşylaryna qatysty qylmystyq ıs boiynşa kuäger ekenın habarlady.
«S.S.Äbışten 175-baptyŋ 1-bölıgı, 179-babynyŋ 3-bölıgı, 3-tarmaǧynda közdelgen jäne QR QK-nıŋ 218-babynyŋ 3-bölıgımen, 362-babynyŋ 4-bölıgınıŋ 3-tarmaǧymen, 366-babynyŋ 4-bölıgımen qylmystar belgılerı boiynşa K.K.Mäsımovke, A.T.Sadykulovqa, D.E.Erǧojinge, M.S.Osipovqa jäne basqalarǧa qatysty qylmystyq ıs boiynşa jauap alynyp, kuäger retınde jauap alynyp jatyr. Äbış S.S.-ǧa qatysty qylmystyq ısterdı ūlttyq qauıpsızdık organdary tırkegen joq, būltartpau şarasy taŋdalǧan joq», - dep habarlady Tengrinews.kz tılşısınıŋ saualyna ŪQK baspasöz qyzmetı.Üstımızdegı jyldyŋ 22 mausymynda Parlament Mäjılısınıŋ alaŋynda ŪQK töraǧasynyŋ orynbasary Asqar Ämerhanov Samat Äbıştıŋ «tergeu orbitasynda» ekenın aitqanymen, qandai statusta ekenın naqtylamady. Aita keteiık, 43 jastaǧy Samat Äbış 2000-2006 jyldar aralyǧynda QR ŪQK organdarynda ofiser qyzmetın atqarǧan. Odan keiın Ädılet ministrlıgı Tırkeu qyzmetı komitetı töraǧasynyŋ orynbasary, töraǧasy, osy bölımnıŋ jauapty hatşysy qyzmetterın atqardy. 2010 jyly ŪQK kadr basqarmasynyŋ bastyǧy boldy, odan keiın ŪQK-nıŋ Astana qalasy boiynşa departamentın basqardy (2011 jyldyŋ qaraşasynan 2013 jyldyŋ nauryzyna deiın). 2015 jyly Qazaqstan Respublikasy Ūlttyq qauıpsızdık komitetı basşysynyŋ bırınşı orynbasary bolyp taǧaiyndaldy. 2022 jyldyŋ 17 qaŋtarynda Samat Äbış qyzmetınen bosatyldy. Būǧan deiın ŪQK töraǧasynyŋ orynbasary Asqar Ämerhanov biylǧy jyldyŋ küzıne qarai ŪQK-nıŋ būrynǧy basşylyǧyna qatysty jürgızılgen tergeudıŋ nätijesı belgılı boluy mümkın ekenın aitqan bolatyn. Eske salaiyq, aǧymdaǧy jyldyŋ 6 qaŋtarynda Ūlttyq qauıpsızdık komitetı QR Qylmystyq kodeksınıŋ 175-baby 1-bölımı boiynşa «Memleketke opasyzdyq jasau» baby boiynşa tergeudı bastaǧan bolatyn. Sol künı būl qylmysty jasady degen küdıkpen ŪQK-nıŋ būrynǧy töraǧasy Kärım Mäsımov pen basqa da tūlǧalar ūstaldy.
"Adyrna" ūlttyq portaly
