Qazaqstanda ministrler 1,7 mln teŋgege deiın jalaqy alady

Qazaqstanda ministrlerdıŋ jalaqysy 1,7 million teŋgege deiın jetedı, dep habarlaidy “Adyrna” ūlttyq portaly Kursiv.media saityna sılteme jasap.  2022 jyldyŋ şıldesı boiynşa Qazaqstanda 18 ministr bar. Jaqynda Bılım jäne ǧylym ministrlıgı Oqu-aǧartu jäne Joǧarǧy ǧylym bolyp ekı vedomstvoǧa bölıngen. Alaida basylymnyŋ saualyna tek 10 ministrlık jauap bergen. Degenmen Syrtqy ıster, Qorǧanys, Ädılet, Eŋbek, Bılım jäne ǧylym, Mädeniet, Ūlttyq ekonomika, Ekologiia jäne Densaulyq saqtau ministrlıkterı tura jauap beruden bas tartqan. Tek Bas prokuraturanyŋ aralasuynan keiın Ekologiia men Densaulyq saqtau ministrlıkterı jauaptaryn özgertken. Anyqtalǧandai, ministrlık basşylary 1-1,7 million teŋge aralyǧynda jalaqy alady. Jalaqysy eŋ tömen ministrler ışınde Auyl şaruaşylyǧy ministrı Erbol Qaraşökeev bar. Qyzmet etken jyldary men ūstap qalatyn alymdardy eseptegende ai saiyn şamamen 1 million teŋge alady. 2020 jyly qyzmetke kelgen Tötenşe jaǧdailar ministrı Iýrii İlinnıŋ de jalaqysy 1 million teŋge şamasynda. Jalaqyǧa general-leitinat şenı de esepke alynady. Ekologiia, geologiia jäne tabiǧi resurstar ministrı Serıkqali Brekeşevtıŋ jalaqysy eŋbek ötılı, zaŋdyq negızde alynatyn salyqtardy eseptegende 1,3 million teŋgege teŋ. Brekeşev 2021 jyldyŋ 10 qyrküiegınde ministr bolyp taǧaiyndaldy. Qarjy ministrı Erūlan Jamaubaevtyŋ jalaqysy premer-ministrdıŋ orynbasary mındetın atqarǧanyn qosa eseptegende 1,5 million teŋge şamasynda. Aqparat jäne qoǧamdyq damu ministrı Asqar Omarovtyŋ jalaqysy 1 564 849 teŋge. Densaulyq saqtau ministrlıgınde ortalyq memorgan basşylarynyŋ jalaqysy eŋbek ötılıne qarai 1 372 601 men 1 668 958 teŋge aralyǧynda ekenın mälımdedı. Ajar Ǧiniiattyŋ eŋbek ötılı 25 jyl, säikesınşe ol maksimaldy 1,6 million teŋge jalaqy alady. Ol būl lauazymǧa 2022 jyldyŋ 11 qaŋtarynda taǧaiyndalǧan. Işkı ıster ministrı Marat Ahmetjanovtyŋ 20 jyl eŋbek ötılın eseptegende 1 668 958 teŋge jalaqy alady. Onyŋ ışınde şenı üşın qosymşa tölenetın 96 218,59 teŋge bar. İndustriia jäne infraqūrylymdyq damu ministrınıŋ memlekettık qyzmettegı eŋbek ötılı 30 jyldan asady. Säikesınşe ol da 1 668 958 teŋge jalaqy alady. Öskenbaev ministr bolyp 2022 jyldyŋ 11 qaŋtarynda taǧaiyndaldy. Sauda jäne integrasiia ministrlıgın basqaratyn Baqyt Sūltanov ta 1 668 958 teŋge alady. Energetika ministrı Bolat Aqşolaqovtyŋ jalaqysy 1 668 958 teŋge. Eŋbek jolyn 1994 jyly bastaǧan Aqşolaqov būl lauazymǧa 2022 jyldyŋ 11 qaŋtarynda keldı.