Almaty oblysynda halyqtyń ómir súrý sapasyn jaqsartý basty nazarda. Kún tártibinen áste túspeıtin ózekti máseleniń túıinin tarqatý oblys ákimdiginiń aldynda turǵan basty mindet. Halyqtyń turmysynyń jaıly, qonysynyń turaqty bolýy ómir súrý sapasyna tikeleı áser etetini jasyryn emes. Búginde bazynaly eldiń basty máselesi-baspana.
Turǵyndardy úımen qamtý úshin barlyq jumystar júıeli oryndalýy shart. Qazirgi kezde Almaty oblysynda osy tektes sharalar qarqyndy júzege asýda. Aımaqta, aǵymdaǵy jyly 722,3 myń sharshy metr turǵyn úıdi paıdalanýǵa berý josparlanǵan, onyń ishinde bıýdjet qarajaty esebinen – 61,7 myń sharshy metr kredıttik jáne jalǵa beriletin turǵyn úıler el ıgiligine beriledi dep kútilýde.
1 jartyjyldyq qorytyndysyna súıensek, Almaty oblysynda 482,1 myń sh.m. turǵyn úı paıdalanýǵa berildi. Nátıjesinde, oblystaǵy 117 otbasy qonys toıyn toılady. Bıylǵy jyly jalpy sany 2048 januıany jyly uıasyna kirgizý josparda bar. Olardyń 853-i kóp balaly jáne áleýmettik osal top sanatyndaǵylar.
2029 ýchaskege 244,2 km ınjenerlik-kommýnıkaııalyq jelilerdi salý boıynsha jumystar júrgizilýde. Búgingi tańda 240 ýchaskege 45 km jeli tartyldy.
Jaýaptylardyń aıtýynsha, jalpy alańy 23,2 myń sharshy metr 288 páterli 4 nesıelik turǵyn úılerdiń iske qosylmaý qaýpi bar. Sebebi, Ile aýdanynda 72 páterli turǵyn úı eki aıǵa kesteden keshigip salynýda. Talǵar aýdanynda 3 turǵyn úıge ınjenerlik jelilerdiń daıyn bolmaýyna baılanysty.
Turǵyndardy tolǵandyratyn máseleniń biri-aýyz sý. Oblysta 384 eldi mekenniń 357-i nemese
93%-y ortalyqtandyrylǵan sýmen, 25-i ortalyqtandyrylmaǵan sýmen qamtylǵan, Jambyl (Aysý) jáne Ile aýdandarynda (Kúrti) 2 aýylǵa sý tasymaldanady.
Ústimizdegi jyly sýmen jabdyqtaý jáne sý burý júıeleriniń qurylysy men jóndeý boıynsha 29 jobany iske asyrýǵa 9,2 mlrd.teńge kózdelgen. 534 km sýmen jabdyqtaý jáne sý burý jelileri salynyp, qaıta jańǵyrtylady, Balqash, Jambyl, Kegen, Raıymbek jáne Talǵar aýdandarynyń 7 eldi mekeninde aýyz sýdyń sapasy jaqsarady. Jyl sońyna qaraı ortalyqtandyrylǵan sýmen qamtý deńgeıi qalalarda 100%-ǵa, aýyldarda – 91,4%-ǵa jetedi dep kútilýde.
Aıta keteıik, ortalyqtandyrylmaǵan sýǵa qosylmaǵan aýyldardyń eń kóp sany Balqash jáne Eńbekshiqazaq aýdandarynda basym. Qos aýdanda 8 aýyldan ortalyq sýǵa áli qosylmaǵan.Sýdyń áleginen bólek, jylýdyń jaıy da halyq úshin mańyzdy. Qatty otynnan arylýdyń jolyn izdegen buqara gazǵa qol jetkizgileri keledi. Búginde oblysta384 eldi mekenniń 1,1 mln. adamnan astam halqy bar 294-i gazdandyrýǵa jatady.
Onyń ishinde 920,8 myń halqy bar 144 eldi meken gazdandyryldy, gazdandyrý deńgeıi 49%-ǵa jetti.
Aǵymdaǵy jyly gazben jabdyqtaý jelileriniń qurylysy boıynsha 15 jobaǵa bıýdjetten 4,1 mlrd. teńge bólindi. Balqash, Jambyl, Talǵar jáne Uıǵyr aýdandarynda eldi mekenderdiń kentishilik jelileriniń qurylysy júrgizilýde.
930 myń halqy bar taǵy 5 eldi meken gazǵa qol jetkizip, qamtý deńgeıi 50,7%-ǵa jetedi.
Kegen jáne Raıymbek aýdandaryn gazdandyrý úshin 75 myń adamdy qamtı otyryp, uzyndyǵy 227 shaqyrym «Shelek-Kegen-Narynqol» magıstraldy gaz qubyryn salý úshin jobalaý-smetalyq qujattama ázirlenýde.
Osy jobany júzege asyrý nátıjesinde oblys boıynsha gazdandyrý deńgeıi birshama artyp, 65,8% quraıdy deıdi mamandar.
