– Baian – būrynǧy Esentaeva, qazırgı Alagözova äpkemız Talǧat Temenovtıŋ kezınde halyqtyŋ ölıp-öşıp jaqsy körgen «Mahabbat beketınıŋ» 2 bölımın tüsırıp jatyr eken. Taǧy kelıp rūqsatyn almaǧan körınedı. Ol ol ma, keiıpkerlerdıŋ aty Gülnäz ben Oral. Mässaǧan, bezgeldek! Talǧat aǧamyz şyryldap: «Būl menıŋ jazǧan «Gülnäz» degen povestım ǧoi. Al, «Mahabbat beketı» menıŋ avtorlyq filmım. İdeiasyna deiın köşırıp alǧany bylai tūrsyn, äuenın de alǧan» dep qynjyla aitady. Al, oǧan Baianka äpkemız betı bülk etpei: «Mädeniet ministrınen rūqsat aldym» dep qoiady, – dep jazdy jurnalist.
Däuletbekqyzynyŋ pıkırınşe, intellektualdy ūrlyq jasau – naǧyz qylmys.– «Gülnäz» povestın jazǧan belgılı rejisser Talǧat Temenov kökemız. Ol kısını älem tanidy. Syilaidy. Bas iedı. Osy povest boiynşa tüsırılgen «Mahabbat beketı» filmınıŋ rejisserı de Talǧat Temenov. Älde byltyr ǧana osy äieldıŋ tarihi serialymyz «Qozy Körpeş – Baian Sūludy» yrym-jyrymyn şyǧarǧanynan habarsyzsyz ba? Tüsırsın «korovasyn» onda şaruamyz şamaly (Ol da kärısterden ūrlanǧan dünie…), – deidı telejürgızuşı.
– Eger Talǧat Temenov bolmasa, Baiandy bügın Qazaq halqy tanymas edı. Baiandy Baian etken – Gülnäz. Al «Gülnäz»-dı povest etıp jazyp, filmnıŋ ideiasyna deiın oilap şyǧarǧan – Talǧat Temenov. Milliondaǧan körermen sol film üşın de Baiannyŋ nebır hikaialaryn keşırıp keledı. Al, ideia ūrlaǧan adamdy ömırde jek köremın. Qarsymyn! Sondyqtan da, būl joly Talǧat aǧamyz jaǧyndamyn, – dep sanaidy Däuletbekqyzy. qazaquni.kz. osylai dep jazady.
Bız būl maqalany jariialai otyryp, asyqpaiyq degımız keledı. Būl mäsele älı de jalǧasyn tabar degen oidamyz. Sebebı, älemde joly bolǧan film tuyndynsynyŋ jalǧasyn tüsıru keŋınen etek alǧan jaǧdai. Basqa elderde būndai ürdıstıŋ baiaǧydan keŋ etek jaiuy, bırınşıden jaqsy ideia tabu üşın kım de bolsa keremet daryn iesı boluy şart. Ekınşıden būlai etu ataqty boludyŋ eŋ qysqa joldarynyŋ bırı. Bıraq, būl joldyŋ bır bıraǧy bar. Eger film naşar bolsa ömır boiy jinaǧan atyŋa öşpes kır keltıresıŋ. Eger Baian Alagözova avtorlyq qūqyq "Qazaqfilmge" tiesılı dese, jäne ol ras bolsa, onda äŋgıme şynynda şielenıse tüspek. Rejisser Talǧat Temenovtıŋ öz filmıne avtorlyq qūqyǧy bar ma? Būl sūraqtyŋ jauaby qandai bolmaq? Küteiık, qanşama "Daudyŋ basy Dairabaidyŋ ala siyrynan" bastaldy degen dei, aqyryn küteiık. Eŋ basty sūraq filmınıŋ jalǧasy älı künge deiın köpşılık süiıp köretın "Mahabbat beketı" filmınıŋ körkemdık deŋgeiınde tüsırıle me? Eŋ basty sūraq osy."ADYRNA" ūlttyq portaly
