Prezident Qasym-Jomart Toqaev Şeteldık investorlar keŋesınıŋ 37-şı plenarlyq otyrysynda Qazaqstan ekonomikasynyŋ jahandyq daǧdarysqa tötep bere alǧanyn aitty. Būl turaly Aqorda jazdy, dep habarlaidy "Adyrna".
Memleket basşysy şeteldık investorlar keŋesın memleket pen onyŋ halyqaralyq serıktesterı arasyndaǧy strategiialyq yntymaqtastyqtyŋ berık ärı senımdı alaŋy retınde sipattap, būl keŋestıŋ aldaǧy uaqytta da öz missiiasyn tabysty jalǧastyratynyn atap öttı. Öz sözınde älemde bolyp jatqan syn-qaterlerdıŋ jahandyq ekonomikaǧa äser turaly da aitty.
Sarapşylar boljamyna säikes, taiau jyldary jahandyq JIÖ şamamen 2,9 paiyzǧa deiın baiaulaidy. Būl jaǧdai barlyq elderde ekonomikalyq qysymdy arttyrady.
«Bügınde infliasiialyq qysymnyŋ küşeigenı, jahandyq jetkızu tızbegındegı kedergılerdıŋ jäne ıskerlık ortadaǧy baǧdarsyzdyqtyŋ artqany baiqalady. Mūndai ürdıster älem ekonomikasynyŋ perspektivasyn naşarlata tüsuı yqtimal. Būl halyqaralyq syndarly dialogtyŋ qajet ekenın körsetedı. Qazaqstan sekıldı elderdıŋ ekonomikasy osyndai syn-qaterler kezınde syrtqy daǧdarystarǧa tötep bere aldy. Biylǧy bes aida Qazaqstan ekonomikasy 6 paiyzǧa östı. Oǧan kölık jäne logistika, qūrylys, sauda, tau-ken önerkäsıbı jäne öŋdeu salalary köp üles qosty», – dedı prezident.
Qasym-Jomart Toqaev būl oraida Qazaqstannyŋ strategiialyq tūrǧydan jaily jerde ornalasuy, adami kapitaly jäne reformalardy jan-jaqty jürgızuı investorlarǧa da, ūlttyq ekonomikaǧa da mol mümkındık beretının atap öttı.
