Bakude polisiia qyzmetkerlerı reseilık «Sputnik Äzerbaijan» agenttıgınıŋ jetekşısı İgor Kartavyh pen bas redaktory Evgenii Belousovty ūstady, dep habarlaidy «Adyrna» tılşısı.
Jergılıktı BAQ-tyŋ mälımetınşe, jurnalisterge «FSB agentterı» degen aiyp taǧylǧan.
Küştık qūrylymdar Resei elşılıgınıŋ qyzmetkerlerın BAQ ökılderıne jolatpaǧan. Qazırgı taŋda Sputnik agenttıgı negızsız ūstalǧan qyzmetkerlerımen bailanys ornatuǧa tyrysyp jatyr.
Odan bölek, bügın «Sputnik Äzerbaijan» agenttıgınıŋ keŋsesıne tıntu jürgızılgen. Qafqazinfo-nyŋ aituynşa, keŋse ǧimaraty qūqyq qorǧau organdarynyŋ baqylauyna alynǧan.
Eske salaiyq, būǧan deiın agenttıktıŋ Äzerbaijandaǧy qyzmetı resmi türde toqtatylǧan bolatyn. Alaida Report basylymy būl BAQ-tyŋ şekteuge qaramastan jūmysyn jalǧastyrǧanyn jäne onyŋ qyzmetkerlerınıŋ jūmysqa baryp jürgenın mälımdedı.
