Foto Jİ kömegımen jasalǧan
Qazaqstan men Äzerbaijan Baku – Tbilisi – Jeihan (BTJ) mūnai qūbyry arqyly qazaqstandyq mūnai tasymaldau kölemın arttyrudy josparlap otyr, dep habarlaidy "Adyrna" tılşısı.
Būl turaly Qazaqstan Prezidentı Qasym-Jomart Toqaev Bakude ötken Aziiadaǧy özara ıs-qimyl jäne senım şaralary jönındegı keŋestıŋ VII sammitınde habarlady.
Memleket basşysynyŋ aituynşa, älemdegı tūraqsyz jaǧdaiǧa qaramastan, Qazaqstan serıktestıktı nyǧaituǧa jäne yntymaqtastyq aiasyn keŋeituge basymdyq beredı.
«Bız Äzerbaijanmen bırlesıp, Baku – Tbilisi – Jeihan qūbyry arqyly qazaqstandyq mūnai jetkızu kölemın arttyruǧa niettımız», – dedı Qasym-Jomart Toqaev.
Prezident byltyr Qazaqstan, Äzerbaijan jäne Özbekstan arasynda «jasyl» energiia jetkızu salasyndaǧy strategiialyq serıktestık turaly kelısımge qol qoiylǧanyn eske saldy. Būl qūjat Transkaspii jasyl energiia dälızın qūruǧa negız boldy.
Eske salsaq, Qazaqstan Kaspii qūbyr konsorsiumy jelısı boiyndaǧy jüielı tūraqsyzdyqty eskere otyryp, Äzerbaijan arqyly ötetın Transkaspii tranzittık jüiesınıŋ bölıgı retınde BTJ qūbyry baǧytyn jäne yqtimal Baku-Supsa qūbyryn mūnai eksportynyŋ qosymşa baǧyttary retınde qarastyrady. "QazMūnaiGaz" kompaniiasy 2026 jyly BTJ qūbyry arqyly mūnai eksportyn 2025 jylǧy deŋgeimen salystyrǧanda 31 paiyzǧa arttyryp, mūnaidy auystyryp tieudı 1,7 million tonnaǧa jetkızudı josparlap otyr.
