Memleket basşysy Qasym-Jomart Toqaev Kölık ministrı Nūrlan Sauranbaevty qabyldady. Būl turaly bügın, 3 şıldede Aqordanyŋ baspasöz qyzmetı jazdy, dep habarlaidy «Adyrna» tılşısı.
Kezdesu barysynda elımızdıŋ kölık-tranzit äleuetın odan ärı arttyru şaralary talqylandy.
Qasym-Jomart Toqaev Qazaqstan aumaǧy arqyly jük tasymalyn ūlǧaitu üşın avtomobil joldary men aviahabtar jelısın belsendı damytu maŋyzdy ekenıne nazar audardy. Sonymen qatar temırjol salasyndaǧy auqymdy infraqūrylymdyq jobalardy uaqtyly jüzege asyru mäselesıne airyqşa män berıldı.
Kölık-logistika sektorynyŋ IJÖ-degı ülesın ūlǧaitu maqsatynda ministrge kedergı keltıretın faktorlardy saraptap, salany damytu täsılderın qaita qarau mındetı jükteldı.
Memleket basşysy kölık dälızderınıŋ ötkızu mümkındıgın keŋeitıp, Qazaqstannyŋ Euraziiadaǧy negızgı sauda-logistika toraby retındegı rölın nyǧaitu üşın jan-jaqty ärı tiımdı şaralar qabyldaudy tapsyrdy.
Eske salaiyq, Nūrlan Sauranbaev Kölık ministrı qyzmetıne 30 mausymda taǧaiyndalǧan edı.
