HII Azamattyq forum qarsaŋynda Astanada Qazaqstan Respublikasynyŋ Mädeniet jäne aqparat ministrı Aida Balaevanyŋ ükımettık emes ūiym (ÜEŪ) ökılderımen kezdesuı öttı.
Jiyn barysynda Aida Balaeva soŋǧy uaqytta ÜEŪ men salalyq ministrlıkterdıŋ basşylary arasynda onǧa juyq kezdesu ötkenın atap öttı. Būl bailanys azamattyq qoǧamdy tolǧandyratyn bırqatar özektı mäseleler boiynşa naqty şeşımder qabyldauǧa mümkındık berdı. Ministrdıŋ pıkırınşe, bügıngı jiyn azamattyq sektormen ärıptestıktı odan ärı nyǧaituǧa baǧyttalǧan maŋyzdy qadam bolmaq.
«Ūlttyq qūryltai otyrysynda Memleket basşysy qoǧamdaǧy özektı mäselelerdı şeşude memleket pen ükımettık emes ūiymdar arasyndaǧy serıktestıktı arttyrudyŋ maŋyzyn atap ötıp, ÜEŪ turaly zaŋnamany jäne memlekettık äleumettık tapsyrystyŋ kriteriilerın jetıldırudı tapsyrdy. Osy maqsatta ministrlık qūramyna öŋırlık sarapşylar men azamattyq sektor ökılderınen tūratyn jūmys toptaryn qūrdy», – dedı Aida Balaeva.
Ministrdıŋ aituynşa, aldaǧy HII Azamattyq forum qoǧamdyq instituttardyŋ qyzmetın jaŋǧyrtuǧa jäne azamattyq qoǧamnyŋ damuyna jaŋa serpın bermek.
Kezdesude qatysuşylar barlyq tırkelgen ÜEŪ men qaiyrymdylyq ūiymdary turaly aşyq aqparatty qamtityn bıryŋǧai elektrondy portal (E-ÜEŪ) qūrudy ūsyndy. Būl jüie ūiymdardyŋ qyzmetı, memlekettık äleumettık tapsyrystar men jobalardy ıske asyru kezeŋderı turaly derekterdı aşyq formatta ūsynuǧa mümkındık beredı.
Sonymen qatar, azamattyq jauapkerşılıktı arttyru, volonterlıktı damytu jäne qoǧamdaǧy kelıspeuşılıkterdıŋ aldyn alu üşın mediasiia tetıkterın engızu mäselelerı talqylandy.
Ministrlık tarapynan Memleket basşysynyŋ tapsyrmalaryn ıske asyru boiynşa belsendı jūmys jürgızılıp jatqany atap ötıldı. Atap aitqanda, ükımettık emes ūiymdar turaly jaŋa zaŋ jobasyn äzırleu maqsatynda öŋırlık sarapşylar men ÜEŪ ökılderı qatysatyn jūmys toptary qūryldy.
Kezdesu qorytyndysy boiynşa memlekettık organdar men ükımettık emes sektor arasyndaǧy yntymaqtastyqty odan ärı nyǧaituǧa, sondai-aq qoǧamnyŋ damuyna baǧyttalǧan azamattyq bastamalardy qoldauǧa baǧyttalǧan naqty ūsynystar äzırlendı.
