Jaqynda «Uaqytpen ündes ün: azamattyq qoǧam jäne ūlttyq qūndylyqtar» taqyrybynda Soltüstık Qazaqstan oblysynyŋ XII öŋırlık Azamattyq forumy öttı.
Azamattyq bastamalardy qoldau men ükımettık emes ūiymdardyŋ äleuetın arttyrudy közdegen forum öŋırdıŋ qoǧamdyq-saiasi ömırındegı maŋyzdy oqiǧaǧa ainaldy. Is-şaranyŋ basty maqsaty – azamattyq qoǧamnyŋ tūraqty damuyn qamtamasyz ete otyryp, ūlttyq bırlık pen ädılettılıktı nyǧaitu, sondai-aq memlekettık qūrylymdar men ükımettık emes sektor arasyndaǧy özara serıktestıktı jan-jaqty damytu boldy.
Forumǧa öŋırdegı ükımettık emes ūiym jetekşılerı, Ūlttyq qūryltai müşelerı, ortalyq jäne jergılıktı atqaruşy organdardyŋ ökılderı, saiasi partiialar, sarapşylar, ǧylymi qauymdastyq, būqaralyq aqparat qūraldarynyŋ ökılderı, Qazaqstan halqy Assambleiasynyŋ müşelerı, mäslihat deputattary jäne belsendı azamattar qatysty.
Is-şara aiasynda:
Ūlttyq bıregeilık pen ädılettılıktı nyǧaitudaǧy azamattyq qoǧamnyŋ rölıne arnalǧan plenarlyq otyrys;
«Üzdık ÜEŪ» ataǧyna ūsynylǧan 13 jobany qamtyǧan körme;
Memlekettık äleumettık tapsyrys pen ÜEŪ-ǧa qatysty zaŋnamalardy jetıldıruge arnalǧan dialog alaŋy;
Master-klasstar men oqytu baǧdarlamalary öttı.
Forumda ūlttyq qūndylyqtardy nasihattau, azamattyq jauapkerşılıktı arttyru jäne türlı qoǧamdyq toptar arasyndaǧy tiımdı serıktestıktı qalyptastyru joldary keŋınen talqylandy.
