Jalǧan aqparat pen ludomaniiaǧa qarsy qalai küresemız?

Sifrlyq tehnologiialar men internet qarqyndy damyǧan zamanda jalǧan aqparattyŋ taraluy jäne qūmar oiyndarǧa täueldılık artqan.

Jalǧan aqparat nemese feik jaŋalyqtar – şyndyqqa janaspaityn, ädeiı adastyru maqsatynda taratylatyn habarlamalar. Mūndai aqparattar azamattardyŋ oi-pıkırı men şeşım qabyldauyna äser etıp, qoǧamdyq tūraqtylyq pen qauıpsızdıkke qater töndıredı.

Jalǧan aqparatpen küresudıŋ alǧaşqy qadamy - mediasauattylyqty arttyru. Är adam aqparatty syn közben qabyldap, onyŋ şynaiylyǧyn baǧalai bıluı qajet.

Ekınşıden, kez kelgen salaǧa qatysty aqparatty tek memlekettık organdardyŋ resmi paraqşalary men käsıbi jurnalistika talaptaryna sai jūmys ısteitın BAQ arqyly oqyp, qarau kerek. 

Üşınşıden, ärbır tūlǧa Qazaqstan Respublikasynyŋ Qylmystyq kodeksınde jalǧan aqparat taratqandarǧa qoldanylatyn jaza turaly bıluı tiıs. Elımızde bügınde jalǧan aqparatty taratqan jaǧdaida 3 jylǧa deiıngı jaza taǧaiyndalǧan (274-bap). Būl norma azamattardyŋ aqparat taratudaǧy jauapkerşılıgın küşeitudı közdeidı

Elımızde jalǧan aqparatpen küresumen qatar, ludomaniia da beleŋ alyp jatyr. Ol - qūmar oiyndarǧa, äsırese onlain-bäs tıgu men kazinoǧa patologiialyq täueldılık. 

Ludomaniia - qarjylyq qiyndyqtarǧa ūşyratyp, qaryzǧa batyrady. Sondai-aq, otbasylyq janjaldar men ajyrasuǧa sebep boluy, jūmyssyzdyq, qoǧamnan oqşaulanu, depressiia, özıne-özı qol jūmsauǧa deiın aparatyn psihikalyq küizelıske äkep soqtyruy mümkın. 

Zertteulerge säikes, köp jaǧdaida ludomaniia jasyryn türde damidy. Adam öz täueldılıgın moiyndamaidy, ärı ony qalypty ädet retınde qabyldaidy.

2024 jyly qabyldanǧan zaŋ boiynşa onlain-kazino men bäs tıgu jarnamalaryna şekteu qoiyldy. Qarjy instituttary arqyly tölem jasauǧa da şekteuler engızılgen. Bügınde elımızde qūmar oiynǧa täueldı azamattar üşın psihologiialyq kömek ortalyqtary jūmys ısteidı.