Ūlytau oblysynyŋ äkımı Dastan Ryspekov Jezqazǧan qalasyna jūmys sapary barysynda Gogol, Ǧaryşkerler jäne Esenberlin köşelerındegı aulalardy aralap, oiyn alaŋdaryndaǧy qūrylys jäne jaŋǧyrtu jūmystarynyŋ barysymen tanysty.
Öŋır basşysy oiyn alaŋdary paidalanuǧa berılgennen keiın olardyŋ qauıpsızdıgın qamtamasyz etu jäne ūqypty kütım jasau boiynşa baqylaudy küşeitudı tapsyrdy. Sondai-aq tūrǧyndarmen, äsırese balalar men ata-analarmen mülıktı ūqypty paidalanu jönınde tüsındıru jūmystaryn ūiymdastyrudyŋ maŋyzdylyǧyn atap öttı.
Qūrylys jūmystary byltyr bastalyp, älı aiaqtalmaǧan jäne jaŋadan salynyp jatqan alaŋdardyŋ sapasy men belgılengen merzımde aiaqtaluyn ünemı baqylauda ūstau qajettıgın eskerttı.
Oblys äkımı aulalarda tūrǧyndardyŋ jauapkerşılıgın arttyryp, ielık sezımın qalyptastyru maqsatynda aqparattyq-tüsındıru jūmystaryn jüielı türde jürgızudı tapsyrdy.
Sapar barysynda Dastan Jandauletūly qala tūrǧyndarymen kezdesıp, olardyŋ ūsynys-pıkırlerıne qūlaq asty. Sonymen qatar, oiyn alaŋdary paidalanuǧa berılgen soŋ, qūrylys alaŋdarynda qalǧan qaldyq materialdar men qoqystardy uaqytyly joiudy qataŋ baqylauǧa aludy tapsyrdy. Būrynnan qalǧan eskı kespe tastardy tazalau qajettıgın de erekşe atap öttı.
Öŋır basşysy «Taza Qazaqstan» respublikalyq ekologiialyq aksiiasy aiasynda aulalardyŋ tazalyǧyn saqtau – barşa tūrǧyndardyŋ ortaq mındetı ekenın jetkızıp, belsendı atsalysuǧa şaqyrdy.
