Äzerbaijannyŋ Minval basylymy Reseidıŋ Kaliningrad qalasyn tarihi atauy "Kenigsberg" dep ataǧan, dep habarlaidy "Adyrna" ūlttyq portaly.
Basylym reseilık taraptyŋ synyna ūşyrady. Jariialanǧan jaŋalyqtardyŋ bırı "Resei Kenigsbergte S-400 jäne soqqy jüielerın ornalastyrdy" dep atalǧan.
Būl mälımdeme TASS agenttıgınıŋ Hankend (Stepanakert) qalasyndaǧy Aivazovskii eskertkışınıŋ būzylǧany turaly jaŋalyǧyna qarsy jariialanǧan. Reseilık BAQ jaŋalyqtarynda sovettık toponimderdı qoldanǧany üşın Baku tarapy narazylyq bıldırdı.
Al Äzerbaijan bilıgı Hankendtıŋ ornyna Stepanakert, Qarabaqtyŋ ornyna Tauly Qarabaq ataularynyŋ qoldanyluyna qarsy boldy.
Äzerbaijan syrtqy ıster ministrlıgı reseilık agenttıkten mätındı tüzetudı talap etıp, diplomatiialyq protest joldady. Nätijesınde TASS jaŋalyq mätınıne özgerıster engızıp, taqyrypta “Qarabaq”, al mätın ışınde “Hankend” ataularyn qoldandy.
Baku mälımdemesınde, eger Resei tarapy tarihi ataulardy būrmalaudy jalǧastyrsa, Äzerbaijan da reseilık qalalardyŋ tarihi nemese türkı ataularyn qoldanuǧa köşuı mümkın ekenın eskertken.
Aita keteiık, Caliber.az basylymy TASS agenttıgındegı tarihi ataularǧa qatysty aqparat taratqan bolatyn.
