Armeniia premer-ministrı Nikol Paşinian özınıŋ Telegram-arnasynda Bışkekte Resei prezidentı Vladimir Putinmen ötken kezdesuın «öte jaqsy» dep baǧalady. Sondai-aq ol aldaǧy uaqytta Mäskeuge saparmen baru jönınde kelısım jasalǧanyn mälımdedı, dep habarlaidy “Adyrna”.
Onyŋ aituynşa, taraptar aldaǧy kezdesu barysynda şynaiy ärı syndarly dialogty jalǧastyruǧa kelısken.
Paşinian Mäskeu men Erevan arasyndaǧy ekıjaqty qarym-qatynastardyŋ maŋyzyn atap ötu qajettıgın aitty.
«Sonymen bırge jaŋa ortada, jaŋa jaǧdailarda būl qarym-qatynastar transformasiiany qajet etetının de moiyndauymyz kerek. Osy özgerısterdıŋ nätijesınde ekı el arasyndaǧy bailanystar būdan da jaqsy – neǧūrlym syndarly, özara tiımdı ärı jyly bolady dep senemın», – dedı Armeniia ükımetınıŋ basşysy.
