İtaliianyŋ Linea Tempo atty mamandandyrylǧan jurnalynda Abai Qūnanbaiūly turaly ülken maqala jariialandy, onda qazaq aqynynyŋ älemdık ädebietke jäne Qazaqstannyŋ ruhani mūrasyna qosqan ülesı keŋınen aşylyp körsetılgen. Būl turaly "24KZ" telearnasy jariialady, dep habarlaidy “Adyrna”.
Mälımet boiynşa, maqalanyŋ avtory – italiialyq filolog, ädebiet pänınıŋ oqytuşysy Forensa Boski.
«Bügıngı taŋda italiialyq qoǧamda jaŋa mädenietter men poeziiany tanuǧa degen zor qyzyǧuşylyq bar. Būl, bälkım, tüpnūsqa şyǧarmalardyŋ sapaly audarmalarynyŋ arqasy. Abaimen de osylai boldy – 2020 jyly Qazaqstan Prezidentı Qasym-Jomart Toqaevtyŋ bastamasymen onyŋ şyǧarmalar jinaǧy audarylǧan edı. Osy maqala jariialanǧan jurnaldy mädeniettanuşylar, professorlar, mūǧalımder oqidy – iaǧni mädeniettı tereŋırek tanuǧa müddelı jandar. Būl – europalyq avtorlardyŋ qazaqstandyq mädeniettı zertteuıne türtkı bolady dep oilaimyn», – deidı Forensa Boski.
Filologtyŋ aituynşa, ony Abaidyŋ filosofiialyq kemeldıgı, tılınıŋ däldıgı men oiynyŋ ironiiasy taŋǧaldyrǧan. Ekı jyl boiy şyǧarmalaryn zerttegen soŋ, avtor Abaidyŋ tuyndylary şyǧystyŋ auyzşa poetikalyq dästürın qazırgı europalyq filosofiiamen şeber ūştastyratynyn atap ötedı.
«Europalyq oqyrman üşın Abaidyŋ şyǧarmaşylyǧy alys, türlı-tüstı, europalyq şyndyqtan özgeşe, bıraq sonymen qatar köşpelı halyqtyŋ älemıne, dala bolmysyna jaqyndatady. Onyŋ bükıl şyǧarmaşylyǧynyŋ özegınde – adamgerşılıkke ündeitın ün bar. Būl – barlyq halyqtar men elderdı bırıktıretın ortaq närse, jäne ol ärqaşan özektılıgın joimaidy. Öitkenı “aqiqattyŋ nūryn köru üşın – kökırek közı kerek”. Abai däl osylai jazady», – deidı Boski.
Maqalanyŋ alǧaşqy bölımınde Abaidyŋ balalyq şaǧy, otbasynyŋ äserı, bılımı jäne qazaq ädebi tılınıŋ qalyptasuyna qosqan rölı turaly baiandalǧan. Al ekınşı bölımınde aqynnyŋ poetikalyq täsılderıne taldau jasalady, ol İtaliianyŋ tanymal aǧartuşylyq jurnaldarynyŋ kelesı sanynda jaryq köredı.
