Almaty oblysynda "Baǧanaşyl" balalar üiınıŋ tärbielenuşılerın köşıru ısıne bailanysty bırden üş şeneunık qyzmetınen aiyryldy. Būl aqparatty 12 tamyzda oblys äkımdıgınıŋ baspasöz qyzmetı rastady, dep habarlaidy “Adyrna”.
"Qazaqstan Respublikasy Prezidentı Äkımşılıgımen kelısım boiynşa oblys äkımınıŋ orynbasary Bolat Kürenbekov qyzmetınen bosatyldy. Sonymen qatar Bılım basqarmasynyŋ basşysy Saltanat Bespaeva men Işkı saiasat basqarmasynyŋ basşysy Erık Äbıtov te qyzmetterınen bosatyldy. Oblys äkımınıŋ bırınşı orynbasaryna qataŋ sögıs jariialandy", – dedı Almaty oblysy Bılım basqarmasy basşysynyŋ orynbasary Diana Onbyrbaeva.
Aita ketsek, 31 şıldede Almaty qalasynyŋ äkımdıgı "Baǧanaşyl" balalar üiınıŋ tärbielenuşılerı öz ortalyǧynyŋ aumaǧynda tūryp, Almatyda bılım aludy jalǧastyratynyn mälımdedı. Almaty jäne Almaty oblysy äkımdıkterı nysandy beru boiynşa jūmystar jürgızıp jatqany atap ötıldı.
Al 1 tamyzda Almaty qalasynyŋ äkımdıgı "Baganaşyl" balalar üiı qyzmetkerlerınıŋ jūmystan bosatyluyna qatysty aqparatqa tüsınıkteme berdı.
