Shýdan keıin. "Shańyraq" balalar aýyly mekemesine ýaqytsha jańa basshy taǵaıyndaldy

1815
Adyrna.kz Telegram

Qoǵamdyq  talqyǵa túsken málimdemeden keıin "Shańyraq" otbasy úlgisindegi balalar aýyly mekemesine ýaqytsha jańa basshy taǵaıyndaldy. Ol óz qyzmetin konkýrstyq rásimder aıaqtalǵanǵa deıin ýaqytsha atqaratyn boldy, dep habarlaıdy "Adyrna" ulttyq portaly.

"Shańyraq" otbasy úlgisindegi balalar aýylynyń basshylyǵy aýysty. Mekeme dırektorynyń ýaqytsha mindetin atqarýshy bolyp Muqashev Qasym Hadyrulyn taǵaıyndaldy.

Atyraý oblysy ákiminiń orynbasary Jasulan Bısembıevtiń aıtýynsha, ýaqytsha basshy - bilikti maman:

 - Qasym Hadyruly buǵan deıin Kámeletke tolmaǵandardy beıimdeý ortalyǵy, Daǵdarys ortalyǵy, №1 Jetimder úıinde uzaq jyl eńbek etip, mol tájirıbe jınaqtaǵan maman.

Jańa basshyǵa tárbıelenýshi balalardy qorǵaý, balalardyń qaýipsizdigin qamtamasyz etý, jaıly jaǵdaı qalyptastyrý boıynsha tapsyrmalar júktedim.
Qasym Hadyrulynyń eńbek jolynda jınaqtaǵan tájirıbesi "Shańyraq" balalar aýylyndaǵy qalyptasqan kúrdeli ahýaldy retteýge yqpalyn tıgizetinine senemin. Balalar aýyly Atyraý oblysy ákimdiginiń únemi basty nazarynda ekenin atap ótkim keledi, - dedi ol.

Esterińizge sala keteıik, jelide Atyraýdaǵy «Shańyraq» balalar úıiniń tárbıelenýshisiniń vıdeosy taraǵanyn habarlaǵan edik. Vıdeoda avtor tyń málimdemeler jasap, balalardyń jábir kórip otyrǵanyn aıtady.

"Adyrna" ulttyq portaly 

Pikirler