Atyrau maŋynda joǧalyp ketken Jangeldin auylynyŋ tūrǧyndaryna qatysty qaiǧyly oqiǧaǧa bailanysty jaŋa derekter belgılı boldy, dep habarlaidy "Adyrna".
Izdestıru barysynda otbasynyŋ taǧy ekı müşesı – Nauryz ben Miramgüldıŋ mäiıtterı tabyldy. Osylaişa atalǧan otbasynyŋ barlyq müşelerınıŋ denesı anyqtalǧan.
Derekközderdıŋ mälımetınşe, olar da qaza tauyp, Geolog yqşamaudanynda ornalasqan üidıŋ aulasyna jasyryn kömılgen. Būl üidı küdıktı būryn äielımen bırge uaqytşa jaldap tūrǧany aitylyp otyr.
Aldyn ala aqparat boiynşa, atalǧan qylmysqa Sūltan Särsemaliev küdıktı retınde qarastyrylyp jatyr. Qazır oqiǧanyŋ barlyq män-jaiyn anyqtau üşın tergeu amaldary jalǧasty.
Eske salsaq, Atyrau oblysy Jangeldin auylynda tūratyn otbasy 2025 jyldyŋ soŋyna belgısız jaǧdaida joǧalyp ketken edı.
6 qaŋtarda Atyrau oblysy aumaǧynan joǧalǧan otbasynyŋ ekı müşesınıŋ — Maqsot Qarabalin men onyŋ jūbaiy Näsıp Öteşqalievanyŋ denesı saraidan tabyldy.
9 qaŋtarda Atyrau oblysynda otbasy müşelerın öltırdı degen küdıkke ılıngen marqūmdardyŋ küieu balasy Sūltan Sarsemaliev ekenı resmi türde anyqtalǧan.
Sonymen qatar, Atyrauda ata-enesın öltırdı degen küdıktı İndoneziiada ūstalǧany mälım bolǧan edı.
