Almaty qalasynda ötken tamyz aiyndaǧy Ūlttyq bıryŋǧai testıleude 85 jastaǧy Nūrihan apa universitetke tüsu üşın synaqqa qatysyp, köpten bergı armanyn oryndauǧa qadam jasady, dep habarlaidy "Adyrna" ūlttyq portaly.
Ūlttyq testıleu ortalyǧynyŋ mälımetınşe, Nūrihan apa jastyq şaǧynda joǧary oqu ornyna tüse almaǧan. Ömırınıŋ köp bölıgın bala tärbiesıne arnaǧan ol bılım aluǧa degen yqylasyn eşqaşan joǧaltpaǧan. Biyl tuǧan-tuystarynyŋ jäne balalarynyŋ qoldauymen ŪBT-ǧa tırkelıp, köpten kütken synaq zalyna kırdı.
Testıleu künı Nūrihan apanyŋ janynda balalary demeu bolyp, ruhani qoldau körsettı. Emtihan bastalar aldynda ol basqa talapkerlerge aq batasyn berıp, «Oqu men bılımge ūmtylu – eşqaşan keş emes» degen jürekjardy tılegın aitty.
Alaida būl alǧaşqy talpynysta kompiutermen jūmys ısteu maşyǧynyŋ joqtyǧy qiyndyq tuǧyzdy. Testıleu ortalyǧynyŋ habarlauynşa, zamanaui formatta emtihan tapsyru Nūrihan apa üşın jaŋa täjıribe bolǧandyqtan, sūraqtardy tolyq oryndauǧa ülgermegen.
Degenmen, ol būl jaǧdaidy sätsızdık dep sanamaidy. Kerısınşe, aqparattyq tehnologiialardy üirenıp, kelesı jyly ŪBT-ǧa qaita qatysuǧa niettı ekenın jetkızdı.
"Menıŋ maqsatym – bılım alu, özımdı damytu. Jasqa qaramai, ömır boiy oquǧa bolady. Kelesı jyly daiyndalyp kelemın", — dedı Nūrihan apa.
