Elımızde sportşylar men jattyqtyruşylarǧa arnalǧan ai saiynǧy tölemderdıŋ bıryŋǧai jüiesı engızıldı. Būl turaly Turizm jäne sport ministrlıgı aitty, dep habarlaidy «Adyrna» tılşısı.
«Dene şynyqtyru jäne sport turaly» Zaŋ qabyldanǧannan keiın, sport türlerı boiynşa Qazaqstan Respublikasy ūlttyq komandalarynyŋ qūramyna kıretın sportşylarǧa, olardyŋ jattyqtyruşylaryna ai saiynǧy aqşa qarajaty tölemderınıŋ mölşerın bekıtu turaly būiryq küşıne endı. Ai saiynǧy tölem mölşerı 5-ten 250 ailyq eseptık körsetkışke (AEK) deiıngı aralyqta belgılengen. Jaŋa jüie infliasiiany eskere otyryp, tölem somasyn jyl saiyn qaita qaraudy qajet etpei, qarjylandyru kölemın avtomatty türde tüzetuge mümkındık beredı. Aita ketu kerek, būǧan deiın būl tölemder är öŋırde ärtürlı bolǧan»,—delıngen habarlamada.
Jaŋa jüie boiynşa tölemder halyqaralyq jäne respublikalyq jarystarda joǧary nätije körsetken sportşylar men olardyŋ jattyqtyruşylaryna, sporttyq mansabyn jalǧastyru şartymen, kelesı jarysqa deiın jergılıktı atqaruşy organdar arqyly jüzege asyrylady.
