Memleket basşysy Qasym-Jomart Toqaev barşa qazaqstandyqtardy Konstitusiia künımen qūttyqtady, dep habarlaidy "Adyrna" ūlttyq portaly.
Prezidenttıŋ aituynşa, osydan 30 jyl būryn referendumda qabyldanǧan Ata Zaŋ – täuelsızdıktıŋ, memlekettılıktıŋ berık tūǧyryna ainaldy. Konstitusiia ūlttyŋ bügını men bolaşaǧyn aiqyndaityn qūndylyqtardy qamtyp, barlyq azamattyŋ qūqyǧy men müddesın teŋ qorǧaidy.
“Barşaŋyzdy Konstitusiia künımen qūttyqtaimyn! Osydan 30 jyl būryn ötken referendumda halqymyz Ata zaŋyn qabyldap, tarihi taŋdauyn jasady. Konstitusiiamyz Qazaqstan Respublikasy täuelsızdıgınıŋ, qazaq memlekettılıgınıŋ berık tūǧyryna ainaldy. Onda ūltymyzdyŋ bügının jäne bolaşaǧyn aiqyndaityn myzǧymas qūndylyqtar men qaǧidattar naqty körınıs tapty. Ata zaŋ Qazaqstannyŋ barlyq azamatynyŋ müddesın ūltyna, dınıne qaramastan bırdei qorǧaityn äleumettık memleket retındegı qūqyqtyq ırgetasyn qalyptastyrdy. Konstitusiia qoǧamdyq kelısım men ışkı tūraqtylyqtyŋ basty kepılı sanalady. San türlı saladaǧy jetıstıkterge osy negızgı zaŋymyzǧa süiene otyryp qol jetkızdık”, – delıngen qūttyqtauda.
Prezident Toqaev üş jyl būryn jüzege asqan auqymdy konstitusiialyq reformany atap öttı. Onyŋ basty nätijesı – «Küştı Prezident – yqpaldy Parlament – esep beretın Ükımet» tūjyrymdamasy negızınde saiasi jüienıŋ jaŋǧyruy. Sondai-aq reforma aiasynda adam qūqyqtaryn qorǧauǧa, zaŋ üstemdıgın ornyqtyruǧa basymdyq berılıp, bırqatar jaŋaşyl erejeler engızılgenın jetkızdı.
«Ädılettı, Taza, Quatty ärı Qauıpsız Qazaqstan qūru üşın ärbır azamat Konstitusiiany qūrmettep, onyŋ barlyq erejesın mültıksız saqtauy qajet», – dedı Prezident.
Memleket basşysy söz soŋynda qazaqstandyqtarǧa zor densaulyq, baq-bereke jäne jasampaz eŋbek tıledı.
