Elordada 15 qyrküiekten bastap bırqatar memlekettık mekemeler men kvazimemlekettık kompaniialar üşın jūmys künınıŋ bastalu uaqyty özgeredı, dep habarlaidy "Adyrna" ūlttyq portaly.
Būl turaly qala äkımdıgınıŋ baspasöz qyzmetı mälımdedı.
Şaranyŋ basty maqsaty – taŋerteŋgı jäne keşkı qarbalas uaqytta joldaǧy jüktemenı azaityp, qalada qozǧalysty jeŋıldetu. Özgerıster negızınen ortalyqta ornalasqan memlekettık qūrylymdar men ūlttyq kompaniialarǧa qatysty. Al mektepter, auruhanalar men HQKO būrynǧy rejimde jūmysyn jalǧastyrady.
Aldyn ala esep boiynşa, būl şaralar joldaǧy jüktemenı 15–20%-ǧa deiın azaituy mümkın. Sarapşylar mūndai qadam tek jol qozǧalysyna emes, sonymen qatar ekologiiaǧa da oŋ äser etetının aitady.
Mausym aiynda qala äkımı Jeŋıs Qasymbek memlekettık organdar men kommunaldyq qyzmetterdıŋ jūmysyn erterek bastau mümkındıgın qarastyryp jatqanyn mälımdegen edı. Keiın būl bastamany Mäjılıs deputattary da qoldady.
Eŋbek ministrlıgı jaŋa rejimdı synaqtan ötkızıp, qyzmetkerlerdıŋ 08:00–17:30 aralyǧyndaǧy jūmys kestesı tiımdı bolǧanyn habarlady. Qyzmetkerler keŋsege erkın jetıp, keşkı uaqytta otbasyna köbırek uaqyt böle bastaǧan.
Osyǧan ūqsas şaralar Almatyda da qarastyrylyp jatyr. Onda studentterdıŋ sabaq kestesın özgertu jäne keibır qyzmetkerlerdı qaşyqtan jūmysqa köşıru ūsynylǧan.
