Aqtauda ötken tamyz aiyndaǧy oblystyq bılım beru qyzmetkerlerınıŋ konferensiiasynda Maŋǧystau oblysynyŋ äkımı Nūrdäulet Qilybai kelesı jyly öŋırde dron-taksi ıske qosylatynyn aitty, dep habarlaidy "Adyrna" ūlttyq portaly Lada.kz-ke sılteme jasap.
Keşe Aqtauda «Bılım bolaşaǧy: adal azamat, käsıbi maman» taqyrybynda dästürlı oblystyq tamyz konferensiiasy öttı.
Jiynǧa oblys äkımı Nūrdäulet Qilybai, QR Oqu-aǧartu ministrlıgınıŋ Orta bılım komitetınıŋ töraǧasy Qanybek Jūmaşev, Mäjılıs deputaty Nūrgül Tau, belgılı qazaqstandyq jäne şeteldık spikerler, sondai-aq 700-den astam bılım beru ūiymdarynyŋ basşylary men sala qyzmetkerlerı qatysty.
Öz sözınde öŋır basşysy innovasiialyq kölık türınıŋ engızıletının atap öttı.
– Kelesı jyly oblysta dron-taksi ıske qosylady. Olar Aqtaudan turisterdı öŋırdıŋ negızgı körıktı jerlerıne jetkızu üşın paidalanylatyn bolady, – dedı äkım.
Sonymen qatar, oblys äkımı biylǧy oqu jylynan bastap üş jyl ışınde kezeŋ-kezeŋımen arnaiy daiarlyqtan ötken 50 mektep direktoryn täjıribe almasu maqsatynda Singapur men Qytaiǧa jıberıletının mälımdedı. Būdan bölek, 30 oquşyny AQŞ-ta bılım aluǧa jıberu josparlanyp otyrǧanyn aitty.
