Qazaqstan Respublikasy Prezidentı Äkımşılıgımen kelısımı boiynşa Ashat Oralov Maŋǧystau oblysy äkımınıŋ bırınşı orynbasary bolyp taǧaiyndaldy.
Ashat Oralov būǧan deiın QR Prezidentı Äkımşılıgınıŋ memlekettık inspektory qyzmetın atqarǧan. Ol L.N. Gumilev atyndaǧy Euraziia ūlttyq universitetın jäne Resei SIM janyndaǧy Mäskeu memlekettık halyqaralyq qatynastar institutyn (MGİMO) tämamdaǧan, PhD därejesı bar.
Eŋbek jolyn 2011 jyly L.N. Gumilev atyndaǧy EŪU-dyŋ äleumettık-tärbie jūmysy departamentınde bas maman bolyp bastaǧan. Keiın «Nūr Otan» partiiasynyŋ filialynda, Astana qalasy äkımdıgınde, jastar saiasaty salasynda türlı basşylyq qyzmetter atqardy.
Odan bölek Pavlodar oblysy äkımınıŋ orynbasary, QR Aqparat jäne qoǧamdyq damu vise-ministrı, Astana qalasy äkımınıŋ orynbasary boldy. Sondai-aq «Nur Otan» jäne «Amanat» partiiasynyŋ atqaruşy hatşysy qyzmetın atqarǧan.
2023 jylǧy 4 qaŋtarda Memleket basşysynyŋ Jarlyǧymen Qazaqstan Respublikasynyŋ Mädeniet jäne sport ministrı bolyp taǧaiyndalǧan. 2024–2025 jyldary QR Prezidentı Äkımşılıgınıŋ memlekettık inspektory qyzmetın atqardy.
