Ekaterinburg maŋynda avtokölık jarylyp, «Uraldronzavod» kompaniiasynyŋ bas direktory Vladimir Tkachuk jaraqat aldy. Būl turaly 5 tamyzda 66.ru jazdy, dep habarlaidy «Adyrna» tılşısı.
Basylymnyŋ jazuynşa, Tkachuk qastandyq saldarynan jaraqat alyp, auruhanaǧa jetkızılgen. TASS agenttıgı onyŋ jansaqtau bölımınde auyr halde jatqanyn jäne därıgerler ömırı üşın küresıp jatqanyn habarlady. Oqiǧaǧa bailanysty adam öltıruge qoǧamdyq qauıptı täsılmen oqtalu baby boiynşa qylmystyq ıs qozǧalǧan. Al onyŋ jürgızuşısı oqiǧa ornynda qaza tapqan.
Sverdlov oblysynda ornalasqan «Uraldronzavod» käsıporny Reseidıŋ Ukrainaǧa qarsy soǧysynda qoldanylyp jürgen «Upyr» ülgısındegı ūşqyşsyz apparattardy şyǧarady. The Insider basylymynyŋ mälımetınşe, Vladimir Tkachuk äskeri maqsattaǧy drondardy äzırleudı 2020 jyly qolǧa alǧan. Reseidıŋ Ukrainaǧa qarsy tolyq auqymdy soǧysy bastalǧannan keiın ol mūndai apparattardy qūrastyratyn seh salǧan.
Boljam boiynşa, «Upyr» drondarynyŋ korpusynyŋ basym bölıgı 3D-printer arqyly jasalady. Tkachuktyŋ aituynşa, 2024 jyldyŋ nauryzyna qarai apparattyŋ şamamen 60 paiyzy Reseide öndırılgen bölşekterden qūrastyrylǧan. Sol jyldyŋ soŋynda käsıporyn Euroodaq sanksiialaryna ılıktı.
Būǧan deiın Tula qalasynda dron äzırleitın taǧy bır kompaniia basşysyna qastandyq jasalǧan bolatyn. 29 şıldede Resei armiiasy Ukrainadaǧy soǧysta paidalanatyn «Ovod» drondaryn äzırleuşı kompaniianyŋ jetekşısı Andrei Cherezovqa tūrǧyn üi podezınde oq atylǧan. Tula oblysy boiynşa Resei Tergeu komitetınıŋ mälımetınşe, şabuyl sol jerde jasalǧan. Al RİA Novosti agenttıgı qazırgı uaqytta Cherezovtyŋ jaǧdaiy tūraqty ekenın habarlady.
