Vise-premer, Syrtqy ıster ministrı Mūrat Nūrtıleu, ŪQK-nıŋ basşylary jäne käsıpker Gadji Gadjievtıŋ ūstalǧany turaly aitylǧanymen, ony feik atap, mälımet joqqa şyǧarylyp otyr. Äuelgı habardy Orda.kz taratty, dep habarlaidy «Adyrna» tılşısı. Alaida KazTAG agenttıgı öz derekközıne süienıp, mūny feik atady. Aqparat jäne mädeniet ministrı "rastalmaǧan mälımet" jaiynda post jariialady.
Orda,kz saitynyŋ jazuynşa, aqparatty qūqyq qorǧau organdaryndaǧy senımdı derekközder rastaǧanǧa ūqsaidy.
«Bügın Syrtqy ıster ministrı Mūrat Nūrtıleu, käsıpker Gadji Gadjiev jäne Ūlttyq qauıpsızdık komitetınıŋ bırqatar joǧary lauazymdy qyzmetkerlerı ūstaldy. Būl aqparatty qūqyq qorǧau organdaryndaǧy derekközder rastady» delıngen Ordanyŋ habarlamasynda.
Belgılı bolǧandai, ministr Mūrat Nūrtıleu Qytaida ötken ŞYŪ sammitıne qatysyp, keşe ǧana elge oralǧany aitylady. Sondai-aq, ministr men Gadjievtıŋ üilerınde tıntu jürgızıldı delınedı. Al ūstaldy delıngen ŪQK basşylarynyŋ aty-jönı äzırge anyqtalyp jatyr.
Mädeniet jäne aqparat ministrı Aida Balaeva aqparatty joqqa şyǧardy.
"Keibır resmi BAQ pen anonimdı telegram-arnalarda memlekettık qyzmetşılerdıŋ ūstaluyna qatysty rastalmaǧan aqparat taraluda.
