Qazaqstanda endı ärbır azamatqa täulıgıne 140 litr auyz sudan artyq qoldanuǧa bolmaidy. Jaŋa tärtıptı būzǧandar üşın tarif 30 paiyzǧa qymbattaidy, dep habarlaidy "Adyrna".
Ministrlık bekıtken normaǧa säikes, är adamǧa bır künde 140 litr su berıledı. Būl şekten asqandar qosymşa aqy töleuge mındettı bolady. Şeneunıkterdıŋ aituynşa, mūndai şara sudy ünemdeuge baǧyttalǧan.
Tūrǧyn üi-kommunaldyq şaruaşylyq ısterı komitetı töraǧasynyŋ orynbasary Nūrsūltan Kerımqūlovtyŋ sözınşe, būǧan deiın öŋırlerde su tarifı ärtürlı eseptelgen. Memleket jergılıktı jüielerdı subsidiialap kelgendıkten, biudjetke qosymşa auyrtpalyq tüsken.
«Qazırgı taŋda bır adamǧa täulıgıne 140 litr tolyq jetkılıktı dep esepteimız», — dedı ol.
Jaŋa ereje 13 qyrküiekten bastap qoldanysqa engızıledı. Osy künnen bastap är litr su esepke alynyp, artyq paidalanǧan jaǧdaida azamattar qosymşa tölem jasaidy. Ükımet halyqty ysyrapşyldyqtan arylyp, tırşılık närın ünemdeuge şaqyryp otyr.
