Prezident Qasym-Jomart Toqaev öskeleŋ ūrpaqtyŋ psihologiialyq saulyǧy men emosiialyq tūraqtylyǧyn saqtau mäselesıne nazar audardy, dep habarlaidy «Adyrna» tılşısı.
Memleket basşysynyŋ aituynşa, äleumettık jelıler, sifrlyq platformalar, jasandy intellekt jäne agressivtı marketing balalardyŋ dünietanymyna otbasy men mektepten kem äser etpeidı.
«Öskeleŋ ūrpaqtyŋ psihologiialyq saulyǧy men emosiialyq tūraqtylyǧy, adamgerşılık tärbiesı ūlttyq qauıpsızdıkke jäne eldıŋ ornyqty damuyna yqpal etetın maŋyzdy faktorǧa ainaldy», – dedı Qasym-Jomart Toqaev.
Prezident qazırgı jaǧdai 2018 jyly qabyldanǧan «Balalardy densaulyǧy men damuyna zardabyn tigızetın aqparattan qorǧau turaly» zaŋdy qaita qaraudy jäne oǧan eleulı özgerıster engızudı talap etetının atap öttı.
Onyŋ aituynşa, Ükımet 16 jasqa tolmaǧan paidalanuşylarǧa äleumettık jelılerde tırkeluge tyiym saludy közdeitın zaŋ jobasyn äzırlegen. Atalǧan qūjat biyl mausym aiynda Parlament qarauyna ūsynylǧan.
«Qūryltaidyŋ bırınşı sessiiasynyŋ aşyluynda deputattarǧa osy mäselenı qarastyrudy ūsynamyn», – dedı prezident.
Qasym-Jomart Toqaev köptegen damyǧan el osyndai şaralardy qabyldaǧanyn atap ötıp, Qazaqstanǧa da balalardyŋ psihologiialyq jai-küiıne tönetın qauıpterdıŋ saldarymen ǧana kürespei, olardyŋ aldyn aluǧa köşu qajet ekenın aitty.
Sonymen qatar memleket basşysy Ükımetke balalardy qorǧau üşın internettegı kontenttı süzgıden ötkızu şaralaryn qabyldaudy tapsyrdy.
«Belgılı bır, meilınşe obektivtı sebepterge bailanysty jauapkerşılıktı ata-analarǧa ǧana artyp qoia almaimyz. Sondyqtan balalarǧa arnalǧan mındettı SIM-kartalardy engızu täjıribesın jappai taratudy tapsyramyn. Būl olardyŋ aqparattyq immunitetın qamtamasyz ete alady»,– dedı ol.
