Abai oblysynyŋ bılım basqarmasynyŋ basşysy bolyp Erdembekov Bauyrjan Amangeldyūly taǧaiyndaldy, dep habarlaidy “Adyrna” ūlttyq portaly.
Būl turaly oblys äkımdıgı habarlady.
Bauyrjan Erdembekov 1974 jyly Semei qalasynda düniege kelgen. 1996 jyly Semei memlekettık universitetın «Qazaq tılı men ädebietı» mamandyǧy boiynşa, al 2016 jyly Qazaq gumanitarlyq-zaŋ universitetın «Memlekettık jäne jergılıktı basqaru» mamandyǧy boiynşa tämamdaǧan.
Eŋbek jolyn 1991 jyly Jarma audany Asqaraly auylyndaǧy Lekerov atyndaǧy mektepte qazaq tılı men ädebietı pänınıŋ mūǧalımı bolyp bastaǧan. Är jyldary türlı joǧary oqu oryndarynda dekan, prorektor, kafedra meŋgeruşısı, rektor qyzmetterın atqardy.
Sondai-aq ol Şäkärım universitetınıŋ rektory, «Abai jäne ūlttyq ruhaniiat» ǧylymi-zertteu ortalyǧynyŋ bas ǧylymi qyzmetkerı boldy. Soŋǧy qyzmetı — Şäkärım universitetınde qazaq filologiiasy jäne jurnalistika kafedrasynyŋ professory.
2025 jylǧy 5 qyrküiekten bastap Abai oblysy bılım basqarmasynyŋ basşysy qyzmetıne kırıstı.
