«Ǵylym myqty bolsa memleket te qýatty bolady»
Respýblıka Prezıdenti Qasym-Jomart Toqaevtyń
Ǵylym jáne tehnologııalar jónindegi
ulttyq keńes otyrysynda sóılegen sózinen
Ǵylym shyn máninde, adamzat ıgiligine aınalyp, ýaqyt aıasynda memleket halqyna tikeleı qyzmet etýi úshin memleket basshysynyń ınııatıvasymen ótken osynaý bas qosý - der kezinde jáne oryndy júzege asqan ári mańyzdy, ári ózekti qubylys. Memleket basshysy Qasym-Jomart Tokaevtyń Ǵylym jáne tehnologııalar jónindegi ulttyq keńes otyrysynda ortaǵa salǵan josparlary - dál búgingi tańdaǵy kezek kúttirmeıtin sheshimin tabýy tıis máseleler. Sonyń biri – jyl basynan beri halqynyń sanasyn úreı bılegen aıaýly da kıeli ǵylym men bilimniń, mádenıet pen ádebıettiń izgi mekeni, ult zııalylarynyń uıasy Almaty aýmaǵyna arnaıy seısmologııalyq zertteýdiń júrgiziletindigi, sondaı-aq, , seısmologııany jáne seısmıkalyq rejımdi baqylaý quraldaryn damytý boıynsha paıdaloy usynystar ázirlenetindigi. Osy oraıda, prezıdenttiń «Tótenshe jaǵdaıdyń aldyn alý isinde aıtarlyqtaı olqylyqtar bar: eń aldymen, bilikti mamandardyń tapshylyǵy, tıisti ǵylymı qorytyndynyń sapaly jasalmaıtyndyǵy. Sondyqtan, bul salada jumys tásilin túbegeıli ózgertý kerek» degen sheshimi kún tártibindegi kúıip turǵan másele ekeni daýsyz. Sonymen qatar, «elimizdiń jetekshi joǵary oqý oryndary men álemdik ýnıversıtet fılıaldaryn respýblıka ekonomıkasynyń qajetti salalary úshin ǵalymdar men bilikti mamandar daıarlaý isine jumyldyrý qajet. Tarazdaǵy gıdromelıoratıvtik-qurylys ınstıtýtyn qaıta qalpyna keltirý jóninde sheshim qabyldadyq» degen aıqyn baılamy naqty qadamdarǵa jol ashatyny sózsiz. «Ǵylym dereksiz, ıaǵnı abstraktili emes, naqty qoldanbaly, kúndelikti ómirde paıdasy mol sala bolýǵa tıis. Apatty ǵylymı turǵydan boljaý, onyń yqtımaldyǵy men áseriniń aýqymyn der kezinde baǵalaý óte mańyzdy. Sý tasqyny, orman órti jáne Almatydaǵy jer silkinisi osyny aıqyn ańǵartty» dep ǵylym men ómir is júzinde ushtasqanda ǵana utymdy tásildermen tirliktiń alǵa basatynyn astyn syzyp aıtty. Buǵan deıin ǵylym tek ǵana ǵylymmen aınalysatyn qyzmetkerlerdiń aıasynda ǵana nasıhattalyp, baǵalanyp kelgeni jasyryn emes. Dál osy bas qosýda memleket basshysy: «Ǵylymǵa qyzyǵýshylyqty mektepten bastap oıatqan jón. Tutas qoǵam bolyp ǵylym-bilimdi dáripteýimiz kerek. Ǵylym órkendese, ekonomıka da órkendeıdi. Iaǵnı, halyqtyń ál-aýqaty artady. Túptep kelgende, ǵylym azamattardyń turmysyn sapaly, bolashaǵyn jarqyn etýge tıis» dep atap kórsetti. Qazirgi tańda Parlamentte «Ǵylym jáne tehnologııalyq saıasat týraly» zań jobasy talqylanýda ekenin tilge tıek etip, bul zań ǵylym damýyna erekshe serpin beretinine zor senim bildirdi. Endigi jerde, sol josparlardyń ýaqtyly jáne naqty júzege asýy óz jemisin berýi tıis. Óıtkeni, kádimgi kúndelikti ómirde oryn alǵan problemalardyń sheshimin taýyp, ómir yrǵaǵyn retke keltirýge qyzmet etetin ǵylym álbette, adamzat ıgiligine aınalmaq.
Ábdijádilqyzy Jıdegúl
Ál-Farabı atyndaǵy Qazaq ulttyq ýnıversıtetiniń doenti
